Author: નોબત સમાચાર
જામનગરમાં દિગ્જામ સર્કલથી મહાકાળી સર્કલ સુધીનો રસ્તો બંધઃ વૈકલ્પિક રૂટ જાહેર
આજે બપોરે ૩ વાગ્યાથી તા. રપ ના સવારે ૯ વાગ્યા સુધી
જામનગર તા. ર૪ઃ જામનગરના દિગ્જામ સર્કલથી મહાકાળી સર્કલ સુધીનો માર્ગ આજે તા. ર૪ના બપોરે ૩ વાગ્યાથી તા.૨૫ સવારે ૯ વાગ્યા સુધી વાહન વ્યવહાર માટે બંધ રાખવામાં આવનાર છે. વડાપ્રધાનના કાર્યક્રમને અનુલક્ષીને આ જાહેરનામું પ્રસિદ્ધ કરાયું છે. આમ હવે મહાકાળી સર્કલથી ટાઉનહોલ સુધી આ માર્ગ બંધ રાખવામાં આવનાર છે જો કે, વૈકલ્પિક રૂટ જાહેર કરાયા છે.
આજે દેશના પ્રધાનમંત્રી નરેન્દ્ર મોદી રાત્રે જામનગર આવી રહ્યા છે. માટે ટાઉનહોલથી સાત રસ્તા સર્કલ સુધીના રૂટ ઉપર કોઈ પણ જાતની અડચણ ઉભી ન થાય તે માટે દિગ્જામ સર્કલથી મહાકાળી સર્કલ સુધીનો રસ્તો બંધ કરવા અંગેનું અને વૈકલ્પિક રૂટનું જાહેરનામું અધિક જિલ્લા મેજીસ્ટ્રેટ દ્વારા બહાર પાડવામાં આવ્યું છે.
આજે તા. ર૪ ના બપોરે ૩ થી તા. રપ ના સવારે ૯ વાગ્યા સુધી આ જાહેરનામું અમલમાં રહેશે. વૈકલ્પિક રૂટ દિગ્જામ સર્કલથી સમર્પણ સર્કલ થઈ મહાકાળી સર્કલ અને મહાકાળી સર્કલથી સમર્પણ સર્કલ થઈ દિગ્જામ સર્કલ તરફ રહેશે. ઈમરજન્સી સેવામાં રોકાયેલા એમ્બ્યુલન્સ, એકઝિકયુટીવ મેજીસ્ટ્રેટ કાર્યક્રમમાં ફરજમાં હોય તેવા વાહનો તથા ફાયર બ્રિગેડ જેવી આપતકાલીન સેવાના ફરજમાં કર્મચારીને બંદોબસ્ત ઈન્ચાર્જના સંકલનમાં જરૂર જણાયે મુક્તિ આપવાની રહેશે, આ જાહેરનામાનું ઉલ્લંઘન કરનાર સામે નિયમ મુજબ પગલા લેવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
