Author: નોબત સમાચાર
વિનાયક પાર્કમાં યુવાનની હત્યાઃ પોલીસ દ્વારા તપાસનો ધમધમાટ
મૃતક રાંધણગેસના સિલિન્ડરની ડિલિવરી કરતા હતાઃ
જામનગર તા. ૨ઃ જામનગરના વિનાયક પાર્કમાં ત્રણેક મહિનાથી રહેવા આવેલા એક યુવાનનો લોહીલુહાણ મૃતદેહ ગઈકાલે સવારે તેના ઘર પાસેથી મળી આવ્યો હતો. આ યુવાનની હત્યા કરાયાની આશંકા સેવાઈ રહી છે. રાંધણ ગેસના સિલિન્ડરના ડિલિવરી કામ સાથે સંકળાયેલા આ યુવાન ત્યાં એકલા જ વસવાટ કરતા હતા.
જામનગરના રામેશ્વરનગર વિસ્તાર પાછળ આવેલા વિનાયક પાર્કમાં રહેતા અને રિક્ષા ડ્રાઈવીંગનો વ્યવસાય કરતા પ્રતાપભાઈ બાબુભાઈ મકવાણા નામના યુવાન શુક્રવારે સવારે સાતેક વાગ્યે પોતાના ઘર પાસે રિક્ષા નજીક લોહીલુહાણ હાલતમાં જોવા મળ્યા હતા. કોઈએ ૧૦૮ તથા પોલીસને જાણ કરી હતી.
જાણના પગલે એમ્બ્યુલન્સ તથા પોલીસ ટીમ દોડી ગઈ હતી. હોસ્પિટલમાં ખસેડવામાં આવેલા પ્રતાપભાઈનું મૃત્યુ નિપજ્યું છે. તેમના દેહ પર પગ તથા માથાના ભાગમાં ઘા જોવા મળતા આ યુવાનની હત્યા કરવામાં આવી હોવાની આશંંકા સેવી પોલીસે તપાસ શરૂ કરી છે. આ યુવાન રાંધણગેસના સિલિન્ડરના ડિલિવરીના કામ સાથે સંકળાયેલા હતા.
આ યુવાન તેમના પત્નીથી અલગ થઈ ત્રણેક મહિનાથી જ વિનાયક પાર્કમાં રહેવા આવ્યા હોવાનું જાણવા મળી રહ્યું છે. તેની ક્યા કારણથી હત્યા કરવામાં આવી? તેને જાણવા પોલીસે ચક્રો ગતિમાન કર્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
