Author: નોબત સમાચાર
મુખ્યમંત્રીએ ટોસ ઉછાળી મહિલા ક્રિકેટ ટીમનો નવા ગ્રાઉન્ડ પર કરાવ્યો પ્રારંભ
જામનગરમાં પોલીસ ક્રિકેટ ગ્રાઉન્ડ, વોકીંગ, રનીંગ ટ્રેકના લોકાર્પણ પ્રસંગે
જામનગર તા. રઃ મુખ્યમંત્રી ભૂપેન્દ્રભાઈ પટેલે જામનગરમાં નિર્માણ પામેલ પોલીસ ક્રિકેટ ગ્રાઉન્ડ તથા વોકીંગ રનીંગ ટ્રેકનું લોકાર્પણ કર્યું હતું અને ટોસ ઉછાળી મહિલા ક્રિકેટરોના મેચની શરૂઆત કરાવી હતી.
મુખ્યમંત્રી ભૂપેન્દ્રભાઈ પટેલે શહેરના પોલીસ હેડ કવાટરના પરેડ ગ્રાઉન્ડની બાજુના ખાલી મેદાનમાં નિર્માણ પામેલા પોલીસ ક્રિકેટ ગ્રાઉન્ડનું તથા વોકીંગ-રનીંગ ટ્રેકનું લોકાર્પણ કર્યું હતું. બાદમાં ટોસ ઉછાળી મહિલા ટીમના ક્રિકેટ મેચની શરૂઆત કરાવી હતી.
આંતરરાષ્ટ્રીય સ્તરનું ૬૩ મીટરની ત્રિજ્યાવાળું ક્રિકેટ ગ્રાઉન્ડ તથા તેની ફરતે ૦પ મીટરની પહોળાઈવાળો ૪૦૦ મીટરનો વોકીંગ-રનીંગ ટ્રેક બનાવવામાં આવેલ છે. આ ઐતિહાસિક મેદાનમાં આંતરરાષ્ટ્રીય ખ્યાતિ પ્રાપ્ત ખેલાડીઓ પોતાની કારકિર્દી દરમ્યાન પ્રેકટીસ કરી છે. જેથી ક્રિકેટ ચાહકો માટે પણ આ ગ્રાઉન્ડનું મહત્ત્વપૂર્ણ બની રહેશે. તેમજ અહીંનો વોકીંગ રનીંગ ટ્રેક સરકાર દ્વારા બહાર પાડવામાં આવતી વિવિધ ભરતીઓ માટેની શારીરિક કસોટીની પૂર્વ તૈયારી માટે પણ યુવાનોને મદદરૂપ થશે.
આ લોકાર્પણ પ્રસંગે સાંસદ પૂનમબેન માડમ, ગૃહ રાજ્યમંત્રી હર્ષભાઈ સંઘવી, ચીફ સેક્રેટરી રાજકુમાર, જિલ્લા પંચાયતના પ્રમુખ મેયબેન ગરસર, મેયર વિનોદભાઈ ખીમસૂરિયા, ધારાસભ્યો મેઘજીભાઈ ચાવડા, રિવાબા જાડેજા, દિવ્યેશભાઈ અકબરી, કલેકટર બી.કે. પંડ્યા, જિલ્લા વિકાસ અધિકારી વિકલ્પ ભારદ્વાજ, રેન્જ આઈજી અશોકકુમાર યાદવ, જિલ્લા પોલીસ વડા પ્રેમસુખ ડેલુ, અગ્રણીઓ વિમલભાઈ કગથરા, રમેશભાઈ મુંગરા, વિજયસિંહ જેઠવા, વિનુભાઈ ભંડેરી, અગ્રણીઓ સહિતના મહાનુભાવો ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
