Author: નોબત સમાચાર
તરૂણીનું અપહરણ કરી દુષ્કર્મ ગુજારવાના ગુન્હામાં ખટીયાના શખ્સને ૨૦ વર્ષની કેદસજા
ભોગ બનનારને રૂા.૧ લાખ વળતર પેટે ચૂકવાશેઃ
જામનગર તા.૮ : લાલપુરના ખટીયા ગામના એક શખ્સે છ વર્ષ પહેલાં તરૂણીને પ્રેમજાળમાં ફસાવી અપહરણ કર્યા પછી તેણી પર દુષ્કર્મ ગુજાર્યું હતું અને પછી દવા પીવડાવી દીધી હતી. આ બાબતની પોલીસમાં ફરિયાદ કરાયા પછી આરોપીની ધરપકડ કરાઈ હતી. તે કેસ ચાલી જતાં અદાલતે આરોપીને ૨૦ વર્ષની કેદની સજા ફટકારી છે. ભોગ બનનારને રૂા.૧ લાખ વળતર પેટે ચૂકવાશે.
લાલપુર તાલુકાના ખટીયા ગામના રાજેશ મેરૂભાઈ ખરા નામના શખ્સે એક તરૂણી સાથે પરિચય કેળવ્યા પછી તેણીને મોબાઈલ આપ્યો હતો અને પ્રેમ સંબંધ બાંંધી લાલચ આપ્યા પછી ડુંગરાળી સીમમાં બોલાવી તેણી પર દુષ્કર્મ ગુજાર્યું હતું અને ગઈ તા.૨૦-૧૧-૧૮ના દિને બપોરે આ તરૂણીને બાઈકમાં બેસાડી દઈ રાજેશ ખરા જુનાગઢ લઈ ગયો હતો. ત્યાંથી કાલાવડ પરત આવી જામકંડોરણા નજીક મછલીવડ પાસે એક નાળામાં લઈ જઈ રાજેશે તે તરૂણીને ઝેરી પીવડાવી દીધી હતી. તરૂણીને સારવાર માટે હોસ્પિટલ ખસેડાયા પછી પોલીસમાં ફરિયાદ કરાતા પોલીસે આઈપીસી ૩૬૩, ૩૬૬, ૩૭૬ (ર), પોક્સો એક્ટ હેઠળ ગુન્હો નોંધ્યો હતો.
ઉપરોક્ત કેસ જામનગરની ખાસ પોક્સો અદાલતમાં ચાલવા પર આવતા સરકાર પક્ષે ૧૬ દસ્તાવેજી પુરાવા રજૂ કર્યા હતા. બંને પક્ષો દ્વારા રજૂ થયેલી દલીલો સાંભળ્યા પછી અદાલતે આરોપી રાજેશ ખરાને તક્સીરવાન ઠરાવી આઈપીસી ૩૬૩ના ગુન્હામાં ત્રણ વર્ષની કેદ, રૂા.૨ હજારનો દંડ, આઈપીસી ૩૬૬ના ગુન્હામાં પાંચ વર્ષની કેદ રૂા.ર હજારનો દંડ તથા આઈપીસી ૩૭૬ (૩)ના ગુન્હામાં ૨૦ વર્ષની કેદ અને રૂા.પ હજારનો દંડ ફટકાર્યાે છે. દંડની રકમ તેમજ કમ્પેઈન્સેશનમાંથી રૂા.૧ લાખ ભોગ બનનારને ચૂકવવા આદેશ કરાયો છે. સરકાર તરફથી પીપી ભારતીબેન વાદી રોકાયા હતા. ઉલ્લેખનીય છે કે, આ આરોપી સામે અગાઉ પણ આઈપીસી ૩૭૬ હેઠળ ગુન્હો નોંધાયેલો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
