Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
સરમતમાં ખેડૂતને છ શખ્સે માર માર્યાે: વાંસજાળીયામાં ભેંસના મામલે બબાલઃ
જામનગર તા.૮ : જામનગરના કોમલનગરમાં ગુરૂ વારે એક યુવાન પર ત્રણ શખ્સે હુમલો કરી પોલીસ ફરિયાદ પાછી ખેંચી લેવા દબાણ કર્યું હતું. જ્યારે સાધનાકોલોનીમાં એક મહિલાને ઘરમાં ઘૂસી ધમકી આપવામાં આવી હતી. જામજોધપુરના વાંસજાળીયા ગામ પાસે ભેંસો દૂર લઈ જવાનું કહેતા એક ખેડૂતને લાકડી ઝીંકવામાં આવી હતી અને પોતાના મજૂરોને હેરાન કરતા શખ્સને કહેવા ગયેલા ખેડૂતને સરમતમાં છ શખ્સે માર મારી સોનાનો ચેન ઝૂટવી લીધો હતો.
જામનગરના દિગ્જામ વુલન મીલ નજીક આવેલા કોમલનગર ૫ાસે આંબેડકર બ્રિજ નજીક બાવરીવાસમાં રહેતા સંજય પાલાભાઈ પરમાર નામના યુવાનને ગુરૂવારે બપોરે બુુધુ વઢીયાર, રામપ્રસાદ પરમાર અને રાજા નામના શખ્સે પાઈપ, ઢીકાપાટુથી માર માર્યાે હતો. એકાદ અઠવાડીયા પહેલાં સંજયના મિત્ર શેરસિંગ પર આ શખ્સોએ હુમલો કરી માર માર્યાે હતો. ઈજા પામેલા શેરસિંગને સારવાર માટે સંજય હોસ્પિટલ લઈ ગયો હતો. જ્યાં તેને ફરિયાદ કરતા આ બાબતનો ખાર રાખી, ફરિયાદ પાછી ખેંચી લેવાનું કહી ગુરૂવારે સંજયને માર પડ્યો હતો.
જામનગરની સાધના કોલોનીમાં મહાકાળી ચોક પાસે રહેતા ઉર્મિલાબેન નવદીપભાઈ ડગલી નામના પરપ્રાંતીય મહિલા અને તેમની પુત્રી ગઈકાલે બપોરે તેમના ઘરે હતા ત્યારે રણજીતસાગર રોડ પર જડેશ્વર પાર્ક પાછળ રહેતા કૌશલ વિનોદભાઈ પંડયા નામનો શખ્સ આવી ચઢયો હતો. તેણે ઉર્મિલાબેન, બે પુત્રી વિશે બોલી ઝઘડો કર્યા પછી ગાળો ભાંડી જાનથી મારી નાખવાની ધમકી આપી હતી.
જામજોધપુરના રહેવાસી રાકેશ ભવાનભાઈ ઘરસંડીયા નામના પ્રૌઢ ગુરૂવારે સવારે વાંસજાળીયા ગામ પાસે આવેલા પોતાના ખેતરે જતા હતા ત્યારે સામેથી દિનેશ ઉર્ફે ભાયા ડાયાભાઈ ભાંભેરા નામનો શખ્સ પોતાની ભેંસ લઈ આવતો હતો. તેની ભેંસને દૂર લઈ જવાનું રાકેશભાઈએ કહેતા દિનેશે ગાળો ભાંડી લાકડીથી હુમલો કરી માર માર્યાે હતો.
જામનગરની કામદાર કોલોનીમાં રહેતા ભુરૂભા દેવુભા જાડેજા નામના વૃદ્ધ ગુરૂવારે સાંજે સરમત ગામમાં પોતાના ખેતરે હતા ત્યારે ત્યાં કામ કરતા મજૂરોને હેરાન કરતા જયપાલસિંહ બળુભા જાડેજાને આ વૃદ્ધે ઠપકો આપતા તેમના પર પાઈપ, લાકડી, ઢીકાપાટુથી જયપાલસિંહ તેમજ બળુભા ભગુભા, રઘુવીરસિંહ તખુભા, જયેન્દ્રસિંહ નાનભાના પુત્ર તથા ભીખુભા ભીમાજીના પુત્ર અજીત સિંહ ભગુભાના પુત્રએ હુમલો કરી માર મારી ભુરૂભાના ગળામાંંથી સોનાનો ચેન ઝૂટવી લીધો હતો. સિક્કા પોલીસ સ્ટેશનમાં તેની ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial