Author: નોબત સમાચાર
પ્રેમલગ્નનો ખાર રાખી યુવકના પિતા પર યુવતીના મામા સહિત છનો હુમલો
જામનગર તા. ૨૭: જામનગરના ગોકુલનગરમાં રહેતા એક પ્રજાપતિ યુવાને થોડા દિવસ પહેલાં કલ્યાણપુરના ચુરના એક શખ્સની ભાણેજ સાથે પ્રેમલગ્ન કર્યા હતા. તેનો ખાર રાખી કલ્યાણપુરના ભાટવડીયામાં છ શખ્સે તે યુવકના પિતા પર હુમલો કરી માર મારવા ઉપરાંત જાનથી મારી નાખવાની ધમકી આપી હતી.
દેવભૂમિ દ્વારકા જિલ્લાના કલ્યાણપુર તાલુકાના ભાટવડીયા ગામમાં રહેતા રવજીભાઈ ગોહેલના ઘેર જામનગરના ગોકુલનગરમાં રહેતા નાનાભાઈ ભીખુભાઈ સાજણભાઈ ગોહેલ આવ્યા હતા. આ બંને ભાઈઓ ગયા રવિવારે રાત્રે ઘેર હતા ત્યારે ત્યાં ધસી આવેલા કલ્યાણપુર તાલુકાના ચુર ગામના મારખીભાઈ પીંડારીયા, પિયુષ પીંડારીયા, લખમણભાઈ પીંડારીયા તથા લખમણભાઈનો પુત્ર અને બે અજાણ્યા શખ્સે બોલાચાલી શરૂ કરી હતી.
ત્યારપછી આ શખ્સોએ ગાળો ભાંડી પાઈપ, ઢીકાપાટુથી ભીખુભાઈ ગોહેલ પર હુમલો કરી માર મારવા ઉપરાંત ધમકી આપી હતી. આ બાબતની ભીખુભાઈએ કલ્યાણપુર પોલીસ સ્ટેશનમાં ફરિયાદ નોંધાવી છે.
ફરિયાદમાં જણાવાયા મુજબ ભીખુભાઈના પુત્ર ચિરાગે થોડા દિવસ પહેલા લખમણભાઈ પીંડારીયાની ભાણેજ સાથે પ્રેમલગ્ન કર્યા હતા. તેનો ખાર રાખી આ શખ્સો જીજે-૧૦-ડીઆર ૨૨૨૧ નંબરની મોટરમાં જયારે ભીખુભાઈ પોતાના ભાઈના ઘેર ભાટવડીયા હતા ત્યારે ધસી આવ્યા હતા. પોલીસે ગુન્હો નોંધી છએય શખ્સોની શોધ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
