Author: નોબત સમાચાર
ચાંદી બજાર તથા ઓશવાળ સર્કલ પાસેથી દારૂની બોટલ સાથે જતાં બે શખ્સ ઝડપાયા
ખંભાળિયાના નાના આંબલામાંથી પણ મળી ઈંગ્લીશની બોટલઃ
જામનગર તા. ૨૭: જામનગરના ચાંદીબજાર વિસ્તારમાંથી સ્કૂટરમાં દારૂની ત્રણ બોટલ લઈને જતા એક શખ્સને પોલીસે પકી પાડ્યો છે. ઓશવાળ સર્કલ પાસેથી બે બોટલ સાથે ઝડપાયેલા શખ્સે સપ્લાયરનું નામ આપ્યું છે. ખંભાળિયાના આંબલા ગામમાંથી બોટલ સાથે એક શખ્સ ઝડપાયો છે.
જામનગરના ચાંદીબજાર વિસ્તારમાં આવેલી ૫ોસ્ટ ઓફિસ પાસેથી ગઈરાત્રે પસાર થતાં જીજે-૧૦-સીએચ ૩૨૭૫ નંબરના એક્સેસને પેટ્રોલિંગમાં રહેલા સિટી એ ડિવિઝનના સર્વેલન્સ સ્ટાફે રોકાવી તલાશી લેતા તેમાંથી દારૂની ત્રણ બોટલ મળી હતી. પોલીસે બોટલ તથા સ્કૂટર કબજે કરી સ્કૂટરના ચાલક રાજ પાર્ક પાસે સેવા સદન પાછળ ઓમ રેસિડેન્સીમાં રહેતા રાજુ હાસાનંદ પરસરામાણી નામના શખ્સની ધરપકડ કરી છે.
જામનગરના ઓશવાળ સર્કલ પાસેથી ગઈકાલે રાત્રે પસાર થતાં ચિરાગ હરેશભાઈ ચાંદ્રા નામના શખ્સને રોકી પોલીસે ચેક કરતા તેના કબજામાંથી દારૂની એક બોટલ મળી આવી હતી. આ શખ્સે શંકરટેકરીવાળા દીપ અનિલ ભાઈ સોંદરવા પાસેથી બોટલ લીધાની કબૂલાત આપી છે.
ખંભાળિયા તાલુકાના નાના આંબલા ગામનો આમદ ઉર્ફે જકો કાસમભાઈ ગજણ નામનો શખ્સ દારૂની બોટલ સાથે ઝડપાયો છે. તેણે કરીમ સુમારભાઈ ચાવડા પાસેથી બોટલ લીધાનું કબૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
