Author: નોબત સમાચાર
ખંભાળિયાના ભાડથરમાં જુગારના બે દરોડામાં સાત પત્તાપ્રેમી આબાદ પકડાયા
લાલપુરના રીંઝપરમાં જુગાર રમતા બે ઝબ્બેઃ એક ફરારઃ
જામનગર તા. ર૭: લાલપુરના રીંઝપરમાં ગંજીપાના વડે જુગાર રમતા બે શખ્સને પોલીસે પકડી લીધા છે. ત્રીજો પત્તાપ્રેમી નાસી ગયો છે. ખંભાળિયાના ભાડથર ગામમાં બે દરોડામાં સાત શખ્સને પોલીસે પકડી લીધા છે. ત્રણેય સ્થળેથી કુલ રૂ. ૪૪ હજાર ઉપરાંતની રકમ કબજે કરવામાં આવી છે.
લાલ૫ુર તાલુકાના રીંઝપર ગામની સીમમાં ગૌશાળા પાસે ગઈકાલે સાંજે ગંજીપાના વડે જુગાર રમી રહેલા ખમીશા ફૂલ મામદ સમા, પ્રકાશ મોહનભાઈ ગોહિલ નામના બે શખ્સ ઝડપાઈ ગયા હતા. પોલીસને જોઈને રીંઝપર ગામનો હેમત કારાભાઈ વસરા નામનો શખ્સ નાસી ગયો હતો. પોલીસે પટમાંથી રૂ. ૪૦૧૦ રોકડા કબજે કર્યા છે.
ખંભાળિયા તાલુકાના ભાડથર ગામની સીમમાં મંગળવારની રાત્રે તીનપત્તી રમતા મંગાભાઈ પરબતભાઈ રૂડાચ, ડાવાભાઈ નાગશીભાઈ અવસુરા, ગાંગાભાઈ કારાભાઈ રૂડાચ, પ્રકાશભાઈ અજાભાઈ રૂડાચ નામના ચાર શખ્સને ખંભાળિયા પોલીસે પકડી લઈ પટમાંથી રૂ. ૨૩ હજાર રોકડા કબજે કર્યા છે.
ભાડથર ગામમાં જ પાડવામાં આવેલા બીજા દરોડામાં ધનાભાઈ ડાડાભાઈ હરીયાણી, નાથાભાઈ લખમણભાઈ અવસુરા, હરીયા ભાઈ ખેરાજભાઈ અવસુરા નામના ત્રણ શખ્સ ગંજીપાના કૂટતા પકડાઈ ગયા હતા. ત્યાંથી રૂ. ૧૭ હજાર રોકડા કબજે લેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
