વ્યાજ સાથે મેડિક્લેઈમ ચૂકવી આપવા વીમા કંપનીને ફોરમ દ્વારા કરાયો આદેશ

Author: નોબત સમાચાર

વ્યાજ સાથે મેડિક્લેઈમ ચૂકવી આપવા વીમા કંપનીને ફોરમ દ્વારા કરાયો આદેશ

નવ ટકા વ્યાજ, ખર્ચ પણ ચૂકવવાનું થશેઃ

જામનગર તા. ૧૫: જામનગરના એક મહિલાએ મેડીકલેઈમ મેળવ્યા પછી સારવાર લેવી પડી હતી. તેઓને વળતર ચૂકવવાનો વીમા કંપનીએ ઈન્કાર કરતા ગ્રાહક ફોરમમાં ફરિયાદ કરવામાં આવી હતી. તે ફરિયાદ ચાલી જતાં ફોરમે વ્યાજ સાથે વળતર ચૂકવવા હુકમ કર્યાે છે.

જામનગરના રમાબેન રામજીભાઈ હીંગરાજીયાએ વર્ષ ૨૦૨૨માં નીવા બુપા હેલ્થ ઈન્સ. કંપની પાસેથી મેડિકલેઈમ મેળવ્યો હતો. રૂા.૧૦ લાખના વીમા માટે તેઓએ રૂા.૨૨ હજાર ઉપરાંતનું પ્રિમિયમ ચૂકવ્યું હતું. વીમાના સમયગાળા દરમિયાન આ મહિલા બીમાર પડતા તેઓએ અમદાવાદમાં સારવાર લેવી પડી હતી.

જેમાં તેઓની શસ્ત્રક્રિયા કરવામાં આવતા રૂા.પ લાખ ઉપરાંતનો ખર્ચ થયો હતો. તેના તમામ બીલ, વગેરે કાગળો વીમા કંપનીને આપવામાં આવ્યા હતા. તેમ છતાં વીમા કંપનીએ કલેઈમ ચૂકવવાનો ઈન્કાર કર્યાે હતો. આથી વીમા કંપની સામે ગ્રાહક તકરાર નિવારણ ફોરમમાં ફરિયાદ નોંધાવાઈ હતી. તે ફરિયાદ ચાલી જતાં ફોરમે ૯ ટકા વ્યાજ સાથે વળતર ચૂકવવા તથા ફરિયાદ ખર્ચ અને ત્રાસ બદલ રૂા.૭ હજાર અલગથી આપવા વીમા કંપનીને હુકમ કર્યાે છે. ફરિયાદી તરફથી વકીલ ભાર્ગવ મહેતા રોકાયા હતા.

જો આપને આ પોસ્ટ ગમી હોય તો શેર કરો...