જૂના રેલવે સ્ટેશન નજીક સ્કૂટરમાં દારૂની લઈ જવાતી ૩૨ બોટલ પકડાઈ

Author: નોબત સમાચાર

જૂના રેલવે સ્ટેશન નજીક સ્કૂટરમાં દારૂની લઈ જવાતી ૩૨ બોટલ પકડાઈ

રાજસ્થાનના શખ્સની અટકઃ એકનું નામ ખૂલ્યું:

જામનગર તા. ૨૭: જામનગરના જૂના રેલવે સ્ટેશન પાસેથી ગઈકાલે સાંજે સ્કૂટરમાં ઈંગ્લીશ દારૂની ૩ર બોટલ સાથે જઈ રહેલા એક શખ્સને એલસીબીએ દબોચી લઈ પૂછપરછ કરતા તેણે આ જથ્થો જયપુરથી મોકલાવાયો હોવાની કબૂલાત આપી છે. કુલ રૂ।.૭૧,૧ર૮નો મુદ્દામાલ કબજે કરી બે સામે ગુન્હો નોંધાવાયો છે.

જામનગરના જુદા જુદા વિસ્તારમાં ગઈકાલે એલસીબી દ્વારા કરવામાં આવી રહેલા પેટ્રોલિંગ દરમિયાન જૂના રેલવે સ્ટેશન નજીક ગીતા લોજ પાસેથી એક શખ્સ સ્કૂટરમાં દારૂના જથ્થા સાથે જઈ રહ્યો હોવાની બાતમી મળતા એલસીબીના સ્ટાફે ત્યાં વોચ ગોઠવી હતી.

આ સ્થળેથી જીજે-૧૦-બીએન ૧૧૦૧ નંબરના સ્કૂટરમાં પસાર થયેલા મૂળ રાજસ્થાનના પરોલી જિલ્લાના મોહનપુરા ગામના સમંદરસિંગ ભરતસિંગ ગુજર નામના શખ્સને રોકી લેવામાં અવ્યો હતો. આ શખ્સની તલાશી લેવાતા તેની પાસેથી ઈંગ્લીશ દારૂની ૩ર બોટલ મળી આવી હતી.

એલસીબીએ રૂ।.૫૦ હજારનું સ્કૂટર, રૂ।.૧૬૧૨૮ની કિંમતનો દારૂનો જથ્થો, રૂ।.પ હજારનો મોબાઈલ કબજે કરી સમંદરસિંગની અટકાયત કરી પૂછપરછ હાથ ધરતા તેણે આ જથ્થો રાજસ્થાનના જયપુરના ધીરૂ પ્રકાશ ગુજર પાસેથી લીધો હોવાની કબૂલાત આપી છે.

જો આપને આ પોસ્ટ ગમી હોય તો શેર કરો...