Author: નોબત સમાચાર
જામનગરમાં પંડિત નહેરૂ માર્ગ સહિત જાહેર રસ્તાઓ પરથી રેંકડી-કેબીન-દબાણ હટાવવાની ઝુંબેશ
જામ્યુકોની ટીમ દ્વારા નડતરરૂપ બોર્ડ-હોર્ડીંગ્સ ઉતારવાની ઝુંબેશ આજે પણ યથાવત્: અઢીસોથી વધુ જાહેરાતના પાટિયા ઉતારી લેવાયા
જામનગરમાં આજે પંડિત નહેરૂ (પીએન) માર્ગ જાહેર માર્ગ ઉપરના દબાણો દૂર કરવા માટે મહાનગરપાલિકા દ્વારા ઝુંબેશ શરૂ કરવામાં આવી છે. ઉપરાંત ગઈકાલે જાહેરાતના હોર્ડીંગ્સ ઉતારી લીધા પછી આજે પણ આ કામગીરી અવિરત ચાલુ રાખવામાં આવી છે. આજે દબાણ હટાવ ઝુંબેશમાં રેંકડી સહિતનો માલસામાન કબજે કરવામાં આવ્યો છે. એસ્ટેટ શાખા દ્વારા આજે અંબર ચોકડીથી ડી.કે.વી., પંચવટી સુધીના માર્ગો ઉપર થયેલા દબાણો દૂર કરવાની કામગીરી શરૂ કરવામાં આવી છે. જાહેર માર્ગ ઉપર ખડકાયેલી રેંકડીને દૂર ખસેડવામાં આવી છે અને બંધ હાલતમાં રહેલી રેંકડીઓ કબજે લેવામાં આવી હતી. ઉપરાંત ખાણી-પીણીના ધંધાર્થીઓ દ્વારા જાહેર રસ્તા ઉપર કરેલ દબાણો પણ દૂર કરી રસ્તો ખુલ્લો કરાવામાં આવ્યો છે. અમુક ધંધાર્થીઓએ તપેલા,વાસણો, સ્ટોલ, ખોખા, જાહેરાતના બોર્ડ જાહેર માર્ગ ઉપર ખડકી દીધા હતાં. તેને પણ દૂર કરાયા છે. ખાસ કરીને મંજુરી વગર પોલમાં લટકાવાયેલા ધંધાની જાહેરાતના હોર્ડીંગ્સ પણ ઉતરાવી લેવાની કામગીરી ગઈકાલે અને આજે પણ ચાલુ કરવામાં આવી રહી છે. એક અંદાજ મુજબ રપ૦ થી વધુ હોર્ડીંગ્સ ઉતારવામાં આવ્યા છે.શિવલીંગ ચોરીના ભેદ માટે માની હતી માનતાઃ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
