Author: નોબત સમાચાર
બેડેશ્વર વિસ્તારમાંથી બે બાઈકની થયેલી ચોરીનો ભેદ ઉકેલાઈ ગયો
બેડેશ્વરનગર-રામનગરના બે શખ્સની ધરપકડઃ
જામનગર તા.૨૬ : જામનગરના બેડેશ્વર વિસ્તાર તથા રામનગરના ઢાળીયા પાસેથી ગયા સપ્તાહે બે બાઈકની ચોરી થયાની પોલીસમાં ફરિયાદ કરવામાં આવી હતી. પોલીસે શરૂ કરેલી તપાસમાં બે શખ્સ ચોરાઉ બાઈક સાથે ઝડપાઈ ગયા છે.
જામનગરના બેડેશ્વર વિસ્તારમાં આવેલી એકડેએક બાપુની દરગાહ નજીકના વસીલા ચોકમાંથી થોડા દિવસ પહેલાં એક આસામીનું જીજે-૧૦-બીએ ૫૪૧૨ નંબરનું હીરો મોટરસાયકલ ચોરાઈ ગયું હતું. તેની પોલીસમાં ફરિયાદ થયા પછી સિટી બી ડિવિઝનના ઈન્ચાર્જ પીઆઈ એન.એ. ચાવડાની સૂચનાથી પીએસઆઈ એમ.વી. મોઢવાડીયા તથા સર્વેલન્સ સ્ટાફે તપાસ શરૂ કરી હતી.
તે દરમિયાન સરૂ સેક્શન રોડ પરથી સત્યસાઈ સ્કૂલ તરફ જવાના માર્ગ પર એક શખ્સ ચોરાઉ બાઈક સાથે આવ્યો હોવાની બાતમી મળતા દોડી ગયેલી પોલીસે ત્યાંથી બેડીના હુસેની ચોક નજીક રબારીવાસમાં રહેતા કાસમ જુસબ સોઢા નામના શખ્સને દબોચી લીધો હતો. તેની પાસે રહેલા બાઈક અંગે પૂછપરછ કરાતા તેણે આ બાઈક ત્રણેક દિવસ પહેલા ચોર્યાની કબૂલાત કરી છે.
તે ઉપરાંત બેડેશ્વર નજીકના રામનગર ઢાળીયા પાસેથી એક આસામીનું જીજે-૧૦-સીબી ૩૬૮ નંબરનું બાઈક ચોરાયું હતું. તે ચોરાઉ બાઈક સાથે રામનગરમાં રહેતા પૃથ્વીરાજ સિંહ કિરીટસિંહ પરમાર નામના શખ્સને પકડી લેવામાં આવ્યો છે. બંને શખ્સ પાસેથી પોલીસે ચોરાઉ બાઈક કબજે કરી બંનેની પૂછપરછ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
