Author: નોબત સમાચાર
ખંભાળિયાના હર્ષદપુરથી ષષ્ટિપૂર્તિ વનોત્સવનો કરાવ્યો પ્રારંભઃ૬૦ હજાર વૃક્ષોનું વાવેતર કરાશે
રાજ્યના વનમંત્રી મૂળુભાઈ બેરાએ પોતાના જન્મદિવસે
ખંભાળિયા તા. ૨૬: વન અને પ્રયાવરણ મંત્રી મૂળુભાઈ બેરાના હસ્તે ખંભાળિયાના હર્ષદપુર ષષ્ટિપૂર્તિ વન-મહોત્સવઃ ૬૦ હજાર વૃક્ષોના મહાઅભિયાનનો પ્રારંભ થયો હતો. તેઓએ વૃક્ષારોપણ કરી પોતાના જન્મદિવસની ઉજવણી કરી હતી.
રાજ્યના વન અને પર્યાવરણ તથા કલાઈમેટ ચેન્જ વિભાગના મંત્રી શ્રી મુળુભાઇ બેરાના ૬૦મા જન્મદિવસ નિમિતે ષષ્ટિપૂર્તિ વન-ઉત્સવના વિશિષ્ટ હરણફાળ અભિયાનનો પ્રારંભ ખંભાળિયાના હર્ષદપુરમાં કરવામાં આવ્યો હતો. તેઓએ પોતાના જન્મદિવસ નિમિતે વૃક્ષારોપણ કરી પ્રકૃતિના સંરક્ષણમાં યોગદાન આપવા માટે સર્વે નાગરિકોને હાંકલ કરી હતી.
રાજ્યના વન મંત્રીના જન્મ દિવસે પ્રારંભ થયેલ ઉમદા પહેલ માત્ર એક ઉજવણી પૂરતું સીમિત ન રહે, પરંતુ ૬૦ હજાર વૃક્ષોનું વાવેતર કરવાની એક મહત્ત્વાકાંક્ષી હરિયાળી યાત્રાનો પ્રારંભ કરવામાં આવ્યો છે. પ્રકૃતિ માટે સમર્પિત આ અભિયાનનો આરંભ ૬૦ વર્ષ ૬૦ વૃક્ષ થી કરવામાં આવ્યો છે. આ ઉમદા અભિયાન હેઠળ સર્વે નાગરિકોને જોતરીને ૬૦ હજાર વૃક્ષોનું વાવેતર કરવામાં આવશે. આ અભિયાન પર્યાવરણ અને પ્રકૃતિના સંવર્ધન માટે સામાન્ય નાગરિકો, સામાજિક સંસ્થાઓ અને યુવાનોની ભાગીદારી પર કેન્દ્રિત એક જનઆંદોલન બની રહેશે. આ અભિયાનનો મુખ્ય ભાવ ગુજરાત રાજ્યને હરિયાળું બનાવવાનો છે. આ કાર્યક્રમ દ્વારા એક હરિત સંકલ્પ લેનાર દરેક નાગરિક, સંસ્થા અને યુવાન માટે એક અનોખો અવસર બની રહેશે અને તેઓ પર્યાવરણના રક્ષણ માટે પોતાનું યોગદાન આપી શકશે.
આ તકે સી.સી.એફ મનીષ્વર રાજા, સી.એફ. સેંથિલકુમાર, આર. ધનપાલ, નાયબ વન સંરક્ષક અરૂણકુમાર, પ્રાંત અધિકારી કે.કે.કરમટા, અગ્રણી એભાભાઈ કરમુર, રસિકભાઈ નકુમ, સગાભાઈ રાવલીયા સહિત વન વિભાગ અધિકારીઓ, કર્મચારીઓ તેમજ બહોળી સંખ્યામાં નાગરિકો ઉપસ્થિત રહીને આ ઉમદા અભિયાનમાં જોડાવવાનો સંકલ્પ લીધો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
