Author: નોબત સમાચાર
ઢીંચડામાં ખોળ અને કપાસીયાનો જથ્થો સળગાવી ગામ મૂકી દેવા પરિવારને ધમકી
અગાઉ થયેલા અકસ્માતનો ખાર રખાયાની ફરિયાદઃ
જામનગર તા.૨૬ : જામનગરના ઢીંચડામાં રહેતા એક માલધારીના તબેલાવાળા મકાનનું તાળુ તોડી આઠ મહિના પહેલાં ઘૂસેલા છ શખ્સે ખોળ-કપાસીયાનો ત્યાં પડેલો જથ્થો સળગાવી આ પરિવારને ગામ મૂકી દેવા ધમકી આપી હતી. જેની ગઈકાલે પોલીસમાં ફરિયાદ કરાઈ છે. અગાઉ એક યુવાને થાર મોટર વડે અકસ્માત સર્જતા એક આરોપીના ભાઈનું તેમાં મૃત્યુ થયું હતું. તેનો ખાર કઢાયો હતો.
જામનગર નજીકના ઢીંચડા ગામમાં રહેતા અને ઢોર માલનો વ્યવસાય કરતા હુસેનભાઈ કાસમભાઈ ખફી નામના યુવાન ગઈ તા.ર જુલાઈની રાત્રે ઢીંચડામાં પોતાના ઘરે હતા.
આ વેળાએ ઢીંચડાના જ અલ્તાફ ઈસ્માઈલ કોટાઈ, શબ્બીર જુમા કોટાઈ ઉર્ફે શકર, બશીર અલુ કોટાઈ, કાસમ મુસા કોટાઈ, આરીફ ઈસ્માઈલ કોટાઈ, રફીક ઉમર કોટાઈ નામના છ શખ્સ આવ્યા હતા. આ શખ્સોએ હુસેનભાઈના તાળા મારીને રાખેલા તબેલા વાળા મકાનમાં તાળુ તોડી નાખી પ્રવેશ કર્યાે હતો.
તે પછી મકાનમાં રાખવામાં આવેલા ખોળ, કપાસીયા તથા મકાઈના ભુક્કાને સળગાવી નાખી હુસેન ખફી અને તેના માતા-પિતા અને ભાઈને ગામ છોડીને ચાલ્યા જવા તાકીદ કરી ગામમાં પાછા આવશો તો રહેવા નહીં દઈએ તેવી ધમકી આપી ગાળો ભાંડી હતી. હુસેન કાસમભાઈના ભત્રીજાએ ગઈ તા.૧૭ જુનના દિને અલ્તાફ ઈસ્માઈલના ભાઈ સાથે થાર મોટર અથડાવી હતી જેમાં અલ્તાફના ભાઈનંુ મૃત્યુ થયું હતું અને તે બાબતનું મનદુખ રાખી આઠ મહિના પહેલાં ઉપરોક્ત બનાવ બન્યાની ગઈકાલે બેડી મરીન પોલીસ સ્ટેશનમાં નોંધાવાયેલી ફરિયાદમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
