Author: નોબત સમાચાર
જામનગરમાંથી ઝડપાયેલા ડ્રગ્સના જથ્થાના કેસમાં જામીન અરજી નકારાઈ
મુંબઈના શખ્સે કરી હતી અરજીઃ
જામનગર તા.૨૬ : જામનગરના એમ.પી. શાહ ઉદ્યોગનગરમાં એક કારખાનામાં થોડા વખત પહેલાં અમદાવાદ સ્થિત એનસીબી ટીમે દરોડો પાડી ૧૦ કિલોથી વધુ એમડી ડ્રગ્સ કબજે કર્યું હતું. આ ગુન્હામાં જેલહવાલે થયેલા મુંબઈના કુખ્યાત ડ્રગડીલરે જામીનમુક્ત થવા કરેલી અરજી અદાલતે નકારી છે.
જામનગરના એમ.પી. શાહ ઉદ્યોગનગરમાં આવેલા એક કારખાનામાં મેફેડ્રોન ડ્રગ્સ સંતાડીને રાખવામાં આવ્યું હોવાની બાતમી અમદાવાદ સ્થિત નાર્કોટીક્સ કંટ્રોલ બ્યુરો પાસે પહોંચતા અમદાવાદથી દોડી આવેલી એનસીબી ટીમે ઉદ્યોગનગરમાં જગદીશ એન્જિનિયરીંગ વર્કસ નામના કારખાનામાં દરોડો પાડી તલાશી લીધી હતી.
તે કારખાનામાંથી ૧૦ કિલો અને ૩૨૦ ગ્રામ એમ.ડી. ડ્રગ્સ મળી આવતા ભાસ્કર ભરતભાઈ વારોદરીયા સહિત આઠની ધરપકડ કરાઈ હતી. આ ગુન્હાના મુખ્ય આરોપી અને મુંબઈના કુખ્યાત ડ્રગ્સ ડીલર મહંમદ ઈકરમઅલી ખત્રીએ જામનગર સ્થિત ખાસ અદાલતમાં જામીન પર મુક્ત થવા અરજી કરી હતી. તેની સામે દેશના યુવાધનને બરબાદ કરનાર ગંભીર ગુન્હાના આરોપીને માત્ર લાંબા સમયથી જેલમાં હોવાના કારણસર જામીન મુક્ત ન કરી શકાય તેવી દલીલ સરકાર પક્ષ તરફથી કરવામાં આવતા અદાલતે આરોપી મહંમદ ઈકરમઅલીની જામીન અરજી નકારી છે. સરકાર તરફથી એપીપી ધર્મેન્દ્ર જીવરાજાણી રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
