Advertisement
Author: નોબત સમાચાર

સ્વામિનારાયણ સંપ્રદાયના વિવાદાસ્પદ સાધુ ૭ દિ'માં માફી નહીં માંગે તો ઉગ્ર આંદોલન

દ્વારકાના ગુગળી બ્રાહ્મણોએ સૂત્રોચાર સાથે રેલી કાઢી પ્રાંત અધિકારીને આપ્યું આવેદન

દ્વારકા તા. ર૬: સ્વામિનારાયણ સંપ્રદાયના સાધુ દ્વારા વિવાદિત ટિપપણીના વાયરલ વીડિયો પછી દ્વારકાના ગુગળી બ્રાહ્મણો દ્વારા ઉગ્ર વિરોધ સાથે સૂત્રોચ્ચાર કરી પ્રાંત અધિકારીને આવેદનપત્ર પાઠવાયું હતું, અને સાત દિવસમાં ઉકેલ નહીં આવે તો ઉગ્ર આંદોલનની ચિમકી ઉચ્ચારી હતી.

દ્વારકાના બ્રાહ્મણો દ્વારા તાજેતરમાં સ્વામિનારાયણ સંપ્રદાયના સાધુ દ્વારા દ્વારકાધીશ પ્રભુ દ્વારકામાં નથી તથા દ્વારકાના ગુગળી બ્રાહ્મણો ધનના લાલચુ હોવા અંગે સોશ્યલ મીડિયામાં વાયરલ બનેલા વીડિયો અંગે લાગણી દુભાતા તેઓના નિવેદનોને સખ્ત શબ્દોમાં વખોડી તેઓના સંપ્રદાયમાં ઉચ્ચ હોદ્દાઓ પર બેઠેલ જે-તે વ્યક્તિ વિરૂદ્ધ શિક્ષાત્મક પગલા ભરવાની માંગ સાથે રાજ્યના મુખ્યમંત્રીને સંબોધી પ્રાંત કચેરીએ આવેદનપત્ર પાઠવવામાં આવેલ હતું.

ગુગળી બ્રહ્મસમાજની સાથે સમસ્ત બ્રહ્મસમાજના આગેવાનો તથા દ્વારકાવાસીઓએ સંયુક્ત રીતે દ્વારકાધીશ મંદિરથી પ્રાંત કચેરી સુધી વિવિધ સૂત્રોચ્ચાર સાથે વિશાળ રેલી યોજી હતી. ચુસ્ત પોલીસ બંદોબસ્ત વચ્ચે યોજાયેલી રેલીમાં એક સમયે સ્વામિનારાયણ મંદિર સામે ઉગ્ર સૂત્રોચ્ચાર કરાતા મામલો થોડા સમય માટે ગરમાયો હતો. રાજ્યના મુખ્યમંત્રીને પ્રાંત અધિકારીના માધ્યમથી આવેદનપત્ર આપી હાલના આ વિવાદ અંગે વિરોધ નોંધાવી આ સાથે સાત દિવસમાં સમસ્યાનું નિરાકરણ નહીં આવ્યે ગુગળી સમાજ દ્વારા ઉગ્ર આંદોલન હાથ ધરવામાં આવશે એવી ચિમકી પણ આવેદનપત્રમાં ઉચ્ચારવામાં આવી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh