Author: નોબત સમાચાર
ખંભાળીયામાં જાહેરમાં ઘાસચારો વેંચનારા સામે અંતે તંત્રની લાલ આંખ
ગમે ત્યાં ઘાસ વેંચતા લોકો સામે લેવાશે કડક પગલાં
ખંભાળીયા તા. ર૬: ખંભાળીયામાં સરકારી હોસ્પિટલ પાસે એક રખડતા આખલાની ઠોકરથી એક ગઢવી યુવાનનું મૃત્યુ નિપજ્યુ હતું. તે પછી પાલિકા તંત્રને ખંભાળીયા પ્રાંત અધિકારી કે.કે. કરમટાએ સૂચના આપતા પાલિકા દ્વારા રસ્તા પર ગમે ત્યાં કોઈ મંજૂરી/લાયસન્સ વગર ઘાસચારો વેંચતા આસામીઓને સામુહિક રીતે નોટીસો આપી હતી. પાલિકા વિસ્તારમાં ઘાસચારો વેંચવાનું બંધ નહીં થાય તો પોલીસ પાર્ટીને સાથે રાખીને આકરા પગલા લેવાની ચીમકી આપવામાં આવી છે.
અગાઉ ખંભાળીયા પાલિકા દ્વારા રખડતા ઢોરના સંદર્ભમાં સુખનાથ મહાદેવ પાસે લાખોનો ખર્ચ કરીને તેલી નદીના કાંઠા પાસે ભરતી કરીને તથા ત્યાં જ ઘાસચારો વેંચાય અને ત્યાં જ ગાયોને ચારો મળે તેવું આયોજન કરાયેલું, પણ કડક પગલા નહીં લેવાતા તે સફળ થયું નહતું.
હાલ પણ શહેરમાં ગમે ત્યાં ઘાસચારો વેંચાતો હોય, ગમે ત્યાં ઢોર રખડતા હોય તથા ગમે ત્યાં સેવાભાવીઓ દ્વારા ઘાસચારો નાખતા રખડતા ઢોરનો ત્રાસ વ્યાપક થયો છે. રખડતા ઢોરથી ત્રણેક મૃત્યુ નિપજ્યાં છે. સંખ્યાબંધ ઈજાગ્રસ્તો પણ થયા હોય, તંત્ર દ્વારા આકરા પગલા લેવાનું શરૂ થયું છે, ત્યારે કાયમી ઉકેલ આવે તેવી પણ માંગણી ઉઠી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
