Author: નોબત સમાચાર
વાડીનારથી કજુરડા પાટીયા સુધી ૧૩ કિ.મી. લાંબા બિસ્માર માર્ગથી સાત ગામના લોકોને ભારે હાલાકી
માર્ગને તાકીદની અસરથી બનાવવા લોક માંગ ઉઠી
ખંભાળિયા તાલુકાના વાડીનારથી કજુરડા પાટીયા સુધીનો માર્ગ ખૂબ જ બિસ્માર હાલતમાં છે. આ માર્ગ પર ઠેર-ઠેર મસ મોટા ગાબડાઓ પડી ગયા છે. આ માર્ગ એક કે બે મહિના નહીં પરંતુ ત્રણ-ત્રણ વર્ષથી અત્યંત ખરાબ સ્થિતિમાં હોવાથી ૭ ગામના લોકોને ભારે હાલાકીનો સામનો કરવો પડી રહ્યો છે. ખાસ કરીને ડેઈલી અપડાઉન કરતા વિદ્યાર્થીઓ, વેપારીઓ સહીતના ગ્રામજનોને ખૂબ જ મુશ્કેલીનો સામનો કરવો પડે છે. જર્જરીત માર્ગના કારણે વાહનોમાં નુકસાની થઈ રહી છે. તેમજ અકસ્માતોના બનાવો પણ બને છે. આ બિસ્માર માર્ગ કે જેનું રિકાર્પેટિંગ કરવાને બદલે માત્ર થીગડા મારીને કામ ચલાવવામાં આવી રહ્યું છે. આથી ૧૩ કિ.મી. સુધીના આ માર્ગને તાકિદે રીપેર કરીને ડામરથી મઢવા માટે ૭ ગામના લોકોએ માંગણી કરી છે. હાલ આ જર્જરીત માર્ગના વિડીયો પણ વાયરલ થયાં છે ત્યારે સંબંધીત તંત્ર ગ્રામજનોની મુશ્કેલીને ધ્યાને રાખીને આ રસ્તાના કામને અગ્રતા આપે તે જરૂરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
