Author: નોબત સમાચાર
દરેડ-મસીતિયા રોડ પર રાંધણગેસના બાટલામાંથી કરાતું રીફીલીંગ ઝડપાયું
ખાલી-ભરેલા છ બાટલા સાથે એકની અટકાયતઃ
જામનગર તા.૨૧ : જામનગર નજીકના દરેડ-મસીતીયા રોડ પર એક દુકાનમાંથી એસઓજીએ રાંધણ ગેસના બાટલામાંથી કરવામાં આવતું ગેરકાયદે રીફીલીંગ પકડી પાડ્યું છે. સ્થળ પરથી નાના મોટા અને ખાલી-ભરેલા છ બાટલા સહિતનો મુદ્દામાલ કબજે કરવામાં આવ્યો છે.
જામનગર નજીકના દરેડ મસીતીયા રોડ પર એક દુકાનમાં રાંધણગેસના બાટલામાંથી ગેરકાયદેસર રીતે રીફીલીંગ કરવામાં આવતું હોવાની બાતમી પરથી ગઈકાલે એસઓજીના સ્ટાફે પીઆઈ બી.એન. ચૌધરીની સૂચનાથી દરોડો પાડ્યો હતો.
ત્યાં શંકરટેકરી નજીક પાણીના ટાંકા પાસે વસવાટ કરતો ભગીરથ જગદીશભાઈ ડાંગર નામનો શખ્સ રાંધણ ગેસ ભરેલા બાટલામાંથી ખાલી બાટલામાં રીફીલીંગ કરતો મળી આવ્યો હતો. સ્થળ પરથી ત્રણ મોટા તથા ત્રણ નાના બાટલા ઉપરાંત રેગ્યુલેટર, નોઝલ, વજનકાંટો સહિતનો મુદ્દામાલ કબજે કરી એસઓજીએ ભગીરથ ડાંગર સામે પંચકોશી બી ડિવિઝન પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
