જામનગર આવેલી ટ્રેનમાંથી સસલા ભરેલું પાર્સલ મળ્યુંંં: પાંચ સસલાના મોત

Author: નોબત સમાચાર

જામનગર આવેલી ટ્રેનમાંથી સસલા ભરેલું પાર્સલ મળ્યુંંં: પાંચ સસલાના મોત

૭૮ સસલાને રેસ્ક્યુ કરી લાખોટા નેચર કલબમાં મોકલાયાઃ

જામનગર તા.૨૧ : જામનગર રેલવે સ્ટેશન પર ગઈરાત્રે આવેલી એક ટ્રેનમાં સસલા ભરેલું પાર્સલ આવતું હોવાની વિગત પરથી દોડેલા જીવદયાપ્રેમીઓએ રેલવે પોલીસને સાથે રાખી કેટલાક પાર્સલ ચકાસી જીવંત હતા તેવા ૭૮ સસલા ભરેલું પાર્સલ મળી આવ્યું છે. તે પાર્સલની ડિલિવરી લેવા આવેલા શખ્સે પાર્સલ લઈ જવાનો ઈન્કાર કરી મોભમ વાતો કરી હતી. તમામ સસલાને લાખોટા નેચર કલબમાં મોકલી આપવામાં આવ્યા છે. આ પાર્સલ કોલકાત્તાથી આવ્યું હોવાનું જાણવા મળી રહ્યું છે. પાંચ સસલા પાર્સલમાંથી મૃત હાલતમાં મળ્યા હતા.

જામનગરના રેલવે સ્ટેશન પર ગઈરાત્રે અમદાવાદથી આવતી ટ્રેનમાં કેટલાક પાર્સલ આવતા હોવાની અને તે પાર્સલમાં જીવંત સસલા લાવવામાં આવી રહ્યા હોવાની વિગત જામનગરના કેટલાક જીવદયાપ્રેમીઓને મળતા જીવ દયાપ્રેમીઓ રેલવે સ્ટેશન પર પહોંચી ગયા હતા.

તે દરમિયાન મોડીરાત્રે જામનગર રેલવે સ્ટેશનના પ્લેટફોર્મ પર થંભેલી ટ્રેનમાંથી ઉતારવામાં આવતા પાર્સલ પૈકીના કેટલાક પાર્સલ જોવાતા તેમાં ૭૮થી વધારે સસલા ભરેલુ પાર્સલ મળી આવ્યંુ હતું. તે પાર્સલ રિસીવ કરવા આવેલા શખ્સની જીવદયાપ્રેમી તથા ત્યારે જ આવી ગયેલા રેલવે પોલીસના સ્ટાફે પૂછપરછ કરતા આ શખ્સે જેણે સસલા મંગાવ્યા છે તે વ્યક્તિ હાજર નથી તેમ કહી મોબાઈલ પર વાત કરાવી હતી. તે પછી સસલા શા માટે લાવવામાં આવ્યા છે? તેનો પ્રત્યુત્તર ન આપી સંજય નામના વ્યક્તિએ સસલા લઈ જવાનો ઈન્કાર કરતા ત્યાં હાજર વ્યક્તિઓએ પાર્સલ છોડાવી લઈ તમામ સસલાને લાખોટા નેચર કલબમાં પહોંચાડી દીધા છે.

પાર્સલમાં ખચોખચ ભરવામાં આવેલા સસલાની હાલત જોઈને ત્યાં હાજર લોકોનંુ દિલ દ્રવી ઉઠ્યું હતંુ. પાંચ સસલા તે પાર્સલમાંથી મૃત્યુ પામેલી હાલતમાં મળી આવ્યા છે. સ્થળ પરથી મળતી વિગત મુજબ અઠવાડિયામાં ચાર-પાંચ વખત આવી રીતે ટ્રેનમાં પાર્સલ લાવવામાં આવે છે અને તેમાં સસલા હોય શકે છે જ્યારે ગઈરાત્રે જે પાર્સલ જામનગર રેલવે સ્ટેશન પર અમદાવાદથી આવેલી ટ્રેનમાં હતું તે પાર્સલ કોલકાત્તાથી આવ્યું હોવાનું જાણવા મળી રહ્યું છે.

જો આપને આ પોસ્ટ ગમી હોય તો શેર કરો...