છત્તીસગઢમાં છત્રીસ કલાકથી ચાલતી અથડામણમાં ૧૯ નક્સલીઓનો ખાત્મો

Author: નોબત સમાચાર

છત્તીસગઢમાં છત્રીસ કલાકથી ચાલતી અથડામણમાં ૧૯ નક્સલીઓનો ખાત્મો

હથિયારોનો જંગી જથ્થો જપ્તઃ ઓડિશા પોલીસ સાથે સંયુક્ત ઓપરેશન

નવી દિલ્હી તા. ર૧: છત્તીસગઢમાં ૩૬ કલાકથી એન્કાઉન્ટરમાં ૧૯ નક્સલીઓ માર્યા ગયા હોવાનું જાણવા મળે છે, જેમાં મોટી માત્રામાં હથિયારો પણ જપ્ત કરવામાં આવ્યા છે.

છત્તીસગઢના ગારિયાબંદરમાં નક્સલીઓ સાથે છેલ્લા ૩૬ કલાકથી જંગલમાં નક્સલીઓ સાથે અથડામણ ચાલી રહી છે, જેમાં અત્યાર સુધીમાં કુલ ૧૯ નક્સલીઓ માર્યા ગયાના અહેવાલ છે. આ ઉપરાંત મોટી માત્રામાં હથિયારો પણ જપ્ત કરવામાં આવ્યા છે.

જણાવવામાં આવી રહ્યું છે કે, ગઈકાલે સવારથી કુલ્હાડીઘાટના ભાલુદીધી પહાડીઓ પર સુરક્ષા દળો અને નક્સવાદીઓ વચ્ચે એન્કાઉન્ટર ચાલી રહ્યું છે. આ એન્કાઉન્ટરમાં સુરક્ષા દળોની ૧૦ ટીમો સામેલ છે. એન્કાઉન્ટર પછી હાથ ધરવામાં આવેલા સર્ચ ઓપરેશન દરમિયાન ગઈકાલે બે નક્સીલઓ (એક મહિલા, એક પુરુષ) ના મૃતદેહ મળી આવ્યા હતાં. આ દરમિયાન એક ઘાયલ જવાનને એરલિફ્ટ કરીને રાયપુર લાવવામાં આવ્યો છે. છત્તીસગઢ અને ઓડિશાના સુરક્ષા દળોની કુલ ૧૦ ટીમો નક્સલવાદીઓ સામે કાર્યવાહી કરી રહી છે. શોધખોળ દરમિયાન નક્સલીઓના વધુ મૃતદેહો મળવાની શક્યતા છે.

માર્યા ગયેલા નક્સીલઓના મૃતદેહોની ઓખળ હાલમાં કરવામાં આવી રહી છે. નક્સલવાદીઓ વિશે માહિતી મળતા સુરક્ષા દળો દ્વારા કાર્યવાહી, ઓડિશા અને છત્તીસગઢ સરહદ પર કુલ્હાડી ઘાટના જંગલમાં મોટી સંખ્યામાં નક્સલવાદીઓની હાજરીની જાણ કરવામાં આવી હતી.

આ માહિતી મળ્યા પછી ઓડિશા અને છત્તીસગઢ પોલીસે સાથે મળીને નક્સલવાદીઓ સામે સંયુક્ત ઓપરેશન શરૂ કર્યું છે. કુલ્હાડી ઘાટ રિઝર્વ ફોરેસ્ટના ગાઢ જંગલોમાં સુરક્ષા દળોએ નક્સલીઓ સામે અત્યાર સુધીની સૌથી મોટી કાર્યવાહી હાથ ધરી છે.

જો આપને આ પોસ્ટ ગમી હોય તો શેર કરો...