Author: નોબત સમાચાર
ખંભાળીયામાં રન ફોર યુનિટીઃ કલેક્ટર સહિતના મહાનુભાવો દ્વારા લીલીઝંડી
રાષ્ટ્રીય એકતા દિવસની ઉજવણી અંતર્ગતનો કાર્યક્રમ યોજાયોઃ
રાષ્ટ્રીય એકતા દિવસની ઉજવણીના ભાગરૂપે જિલ્લા કલેક્ટર જી.ટી. પંડ્યા, ઈન્ચાર્જ જિલ્લા વિકાસ અધિકારી શ્રી ભૂપેશ જોટાણીયા સહિતના પ્રાંત કચેરી, ખંભાળીયામાં આયોજીત રન ફોર યુનિટીને લીલી ઝંડી બતાવી પ્રસ્થાન કરાવ્યું હતું. અત્રે ઉલ્લેખનીય છે કે, દર વર્ષે ૩૧મી ઓક્ટોબરના સરદાર વલ્લભભાઈ પટેલની જન્મજ્યંતી નિમિત્તે રાષ્ટ્રીય એકતા દિવસની ઉજવણી કરવામાં આવે છે. ગુજરાતમાં સરદાર વલ્લભભાઈ પટેલના વારસાને સન્માનિત કરવા માટે ગુજરાત સરકાર વિવિધ વય જૂથોના નાગરિકોને એકતા અને સૌહાર્દ તરફ વાળવાના ઉદ્દેશ્ય સાથે રાજ્યભરમાં રન ફોર યુનિટીનું આયોજન કરવામાં આવે છે. આ કાર્યક્રમ અંતર્ગત પ્રાંત કચેરી, ખંભાળીયા રન ફોર યુનિટીનું આયોજન કરવામાં આવ્યું હતું. જેમાં પ્રાંત અધિકારી કે.કે. કરમટા, મામલતદાર વિક્રમ વરૂ, તાલુકા વિકાસ અધિકારી કે.વી. શેરઠિયા, ગ્રીન ખંભાળીયાના પ્રતિનિધિ પરબતભાઈ ગઢવી તેમજ વિવિધ સંસ્થાઓના પ્રતિનિધિ જોડાયા હતાં. રન ફોર યુનિટીમાં પોલીસના જવાનો, હોમગાર્ડ, શિક્ષકો, સફાઈ કર્મીઓ વિવિધ વિભાગના કર્મચારીઓ તેમજ શહેરીજનો જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
