Author: નોબત સમાચાર
સરદાર પટેલ જયંતી નિમિત્તે જામનગરમાં બાઈક રેલી-મેગા રક્તદાન કેમ્પ યોજાયાઃ પુષ્પાંજલિ
ખોડલધામ પરિવાર દ્વારા આયોજનઃ નગરના મુખ્ય માર્ગો પર રેલી નીકળીઃ કાર્યક્રમોમાં મહાનુભાવો જોડાયા
અખંડ ભારતના શિલ્પી અને લોખંડી પુરુષ સરદાર વલ્લભભાઈ પટેલની આજે ૧૪૯ મી જન્મ જયંતી નિમિત્તે જામનગરમાં શ્રી ખોડલધામ પરિવાર દ્વારા મહાબાઈક રેલી અને મેગા રક્તદાન કેમ્પનું આયોજન થયું હતું. આજે સવારે ૮ વાગ્યે શ્રી ખોડલધામ કાર્યાલયથી બાઈક રેલીનો પ્રારંભ થયો હતો, અને શહેરના જુદા જુદા માર્ગો ઉપરથી બાઈકરેલી પસાર થઈને રણજીતનગર ચોકમાં લેઉવા પટેલ સમાજ પાસે પૂર્ણ થઈ હતી. જ્યાં સરદાર પટેલની પ્રતિમાને પુષ્પાંજલિ અર્પણ કરવામાં આવી હતી. આ બાઈક રેલીમાં સમિતિના અને સમાજના ભાઈ-બહેનો વિશાળ સંખ્યામાં જોડાયા હતાં. આ પછી લેઉવા પટેલ સમાજમાં મહારક્તદાન કેમ્પનું આયોજન થયું હતું. આ તમામ કાર્યક્રમમાં ધારાસભ્ય દિવ્યેશભાઈ અકબરી, સમાજના અગ્રણી મનસુખભાઈ પટેલ, કોર્પોરેટર અરવિંદભાઈ સભાયા અને ગોપાલભાઈ સોરઠિયા, પૂર્વ ડે. મેયર મંજુલાબેન હીરપરાી સહિતના ભાઈઓ-બહેનો જોડાયા હતાં. ખાસ કરીને રક્તદાન કેમ્પમાં મેયર વિનોદ ખીમસૂર્યા, ઉપરાંત સમાજના અગ્રણી નાથાભાઈ મુંગરા વગેરે પણ જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
