બાળકોના લાભાર્થે એનિમલ વેલફેર ઈન્ટરેક્ટિવ સેશન

Author: નોબત સમાચાર

બાળકોના લાભાર્થે એનિમલ વેલફેર ઈન્ટરેક્ટિવ સેશન

રાધિકા એડ્યુકેર સ્કૂલ દ્વારા માર્ગદર્શનઃ

જામનગર તા. ૩૧: રાધિકા એડ્યુકેર સ્કૂલમાં એનિમલ વેલફેર ઈન્ટરેક્ટિવ સેશનનું આયોજન કરવામાં આવ્યું હતું. દિવાળીના તહેવારોને અનુલક્ષીને બાળકોમાં પાલતું તેમજ રખડતા પ્રાણીઓની સેફટી એન્ડ કેર કેવી રીતે કરવી તેનું માર્ગદર્શન આપવામાં આવ્યું હતું. આ સેશન પ્રોફેશનલ (ડોગ બિહેવિયર એક્સપર્ટ અને પેરા વેટ) શિવપાલસિંહ ઝાલાના નેતૃત્વમાં કરવામાં આવ્યું હતું. જેમાં બાળકોને વિવિધ કૂતરાઓ વિશે માહિતી આપવામાં આવી હતી. તેમજ પાળતું પ્રાણીઓ અને રખડતા પ્રાણીઓ પર મોટા અવાજની અસરોને સમજવી.

દિવાળી દરમિયાન પ્રાણીઓને સુરક્ષિત રાખવા માટેની ટિપ્સ, પ્રાણીઓ માટે શાંત અને સુરક્ષિત વાતાવરણ કેવી રીતે બનાવવું તેની જાણકારી આપવામાં આવી હતી.

આ સત્રમાં પ્રશિક્ષિત અને રસીકરણ કરાયેલા કૂતરાઓને પણ દર્શાવવામાં આવ્યા હતાં. આ સત્ર પ્રાણી કલ્યાણ પ્રત્યે કરૂણા અને જાગૃતિને પ્રોત્સાહન આપવાનો એક અદ્વુત માર્ગ હતો, જે વિદ્યાર્થીઓને તહેવારો દરમિયાન વધુ સચેત અને જવાબદાર બનવામાં મદદરૂપ બની રહેશે. આ સમગ્ર સેશન માટે પ્રિન્સિપાલ ચેતનકુમાર શુકલાના માર્ગદર્શન હેઠળ મેન્ટર નિધિ ભટ્ટે જહેમત ઉઠાવી હતી.

જો આપને આ પોસ્ટ ગમી હોય તો શેર કરો...