ધુતારપરમાં સેફ્ટી ટેન્કના ખાડામાં વ્હીલ ફસાઈ જતા પથ્થર ભરેલા ટેન્કર નીચે પ્રૌઢ ચગદાયા

Author: નોબત સમાચાર

ધુતારપરમાં સેફ્ટી ટેન્કના ખાડામાં વ્હીલ ફસાઈ જતા પથ્થર ભરેલા ટેન્કર નીચે પ્રૌઢ ચગદાયા

સારવાર દરમિયાન મૃત્યુ નિપજતા ગમગીનીઃ

જામનગર તા. ૨૫: જામનગર તાલુકાના ધુતારપર ગામમાં બાંધકામના એક સ્થળે પથ્થર ઠાલવવા આવેલા ડમ્પરનું પાછળનું વ્હીલ સેફ્ટી ટેન્કના ખાડામાં ફસાયા પછી ટેન્કર નમ્યું હતું અને ત્યાં ઉભા રહી ટેન્કરને સાઈડ આપી રહેલા એક પ્રૌઢ તેની નીચે ચગદાયા હતા. આ પ્રૌઢનું સારવારમાં મૃત્યુ નિપજતા ગમગીની પ્રસરી છે.

જામનગરના કાલાવડ નજીકના ધુતારપર ગામમાં વસવાટ કરતા જમનભાઈ બાવાભાઈ ચાંગાણી નામના પટેલ આસામીના મકાનનંુ બાંધકામ ચાલુ કરવામાં આવ્યા પછી તે કામના સ્થળે સોમવારે બપોરે એક ડમ્પર પથ્થર ભરીને આવ્યું હતું.

આ પથ્થર ચણતરમાં કામમાં લેવાના હતા તેથી જમનભાઈ પથ્થર ઠાલવવા માટે ડમ્પરચાલકને સાઈડ આપી રહ્યા હતા ત્યારે રિવર્સમાં આવતા ડમ્પરનું પાછળનંંુ એક વ્હીલ નજીકમાં આવેલા સેફટી ટેન્કના ખાડામાં ખુંપી જતા ટેન્કર ત્રાંસુ થયું હતું અને જમનભાઈ પર નમી પડતા તેની નીચે આ પ્રૌઢ દબાઈ ગયા હતા. તેઓએ પાડેલી બૂમ સાંભળી અન્ય લોકો દોડી આવ્યા હતા અને જમનભાઈને બહાર કાઢી સારવાર માટે દવાખાને લઈ જવાયા હતા જ્યાં સારવાર દરમિયાન ગઈકાલે તેઓનું મૃત્યુ નિપજ્યું છે. તેમના પુત્ર ભાવિન ચાંગાણીએ પોલીસને જાણ કરી છે.

જો આપને આ પોસ્ટ ગમી હોય તો શેર કરો...