Author: નોબત સમાચાર
જામનગરમાં ઘૂસાડાતા રૂ.૪૩ લાખના દારૂ સાથે ટ્રક ડ્રાઈવર-ક્લિનરની કરાઈ ધરપકડ
વલસાડ નજીક પારડી પાસેથી ટ્રક ઝડપાયોઃ
જામનગર તા. ૨૫: વલસાડ નજીકના પારડી ધોરીમાર્ગ પરથી ગઈકાલે વલસાડ એલસીબીએ જામનગર તરફ જતા એક ટ્રકમાંથી ૩૫૪ બોટલ ઈગ્લીશ દારૂ પકડી પાડ્યો છે. ટ્રકના ડ્રાઈવર તથા ક્લિનર એવા જામનગરના બે શખ્સે તે દારૂ સેલવાસથી ભર્યાે હોવાની કબૂલાત આપી છે. આ જથ્થો જામનગરના જ એક શખ્સે મંગાવ્યો હોવાની કબૂલાત મળી છે. પોલીસે દારૂ, ટ્રક સહિત રૂ.પ૩ લાખનો મુદ્દામાલ કબજે કર્યાે છે.
વલસાડ નજીકના પારડી ધોરીમાર્ગ પર એક ટ્રકમાં ઈંગ્લીશ દારૂ લઈ જવામાં આવી રહ્યો છે તેવી બાતમી મળતા પારડી હાઈવે પર વલસાડ એલસીબી ટીમે વોચ રાખી હતી. તે દરમિયાન સુરત તરફ જઈ રહેલા જીજે-૩૨-ટી ૫૩૫૩ નંબરના ટ્રકને રોકી લેવામાં આવ્યો હતો.
તે ટ્રકની એલસીબી સ્ટાફે ચકાસણી કરતા પ્લાસ્ટિકના ડબ્બાનો જથ્થો તેમાં ભરેલો હોવાનું જણાઈ આવ્યું હતું. પોલીસે તે ડબ્બા ઉતરાવી ઘનિષ્ઠ ચેકીંગ કરતા તેની પાછળ સંતાડીને રાખવામાં આવેલી ભારતીય બનાવટના અંગ્રેજી શરાબની ૩૫૪ બોટલ ભરેલી પેટીઓ મળી આવી હતી. એલસીબીએ ૨૯ આખી પેટી અને એક અડધી પેટી દારૂ કબજે કર્યાે છે.
આ જથ્થા સાથે જામનગરના કાલાવડ નાકા બહાર સનસિટી સોસાયાટી-૧માં રહેતો ટ્રક ચાલક આસિફ કાસમ જોખીયા તથા સિલ્વર સોસાયટીમાં રહેતો ક્લિનર રઈશ હનીફ બ્લોચની અટકાયત કરાઈ છે. પોલીસે રૂ.૪૩ લાખ ઉપરાંતનો દારૂનો જથ્થો અને રૂ.૧૦ લાખનો ટ્રક કબજે કર્યાે છે. આ શખ્સો જામનગરના વસીમ યુસુફ દરજાદા નામના શખ્સ દ્વારા દારૂ મંગાવાયો હોવાથી સેલવાસથી દારૂ ભરીને જામનગર જતા હોવાનું ખૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
