Author: નોબત સમાચાર
ગોકુલનગર પાસેથી પોરબંદરનો શખ્સ ઈંગ્લીશ દારૂના ૧૯૨ ચપટા સાથે ઝડપાયો
નવા એંસી ફૂટ રોડ પર મકાનમાંથી દારૂ પકડાયોઃ
જામનગર તા. ૨૫: જામનગરના ગોકુલનગર નજીકના આશાપુરા સર્કલ પાસેથી ગઈરાત્રે પોરબંદરનો એક શખ્સ ઈંગ્લીશ દારૂના ૧૯૨ ચપટા સાથે ઝડપાઈ ગયો છે. જ્યારે નવા એંસી ફૂટ રોડ પર એક મકાનમાંથી દારૂના ચાર ચપટા ઝડપાયા છે અને કાલાવડ નાકા બહારના વિસ્તારમાંથી બે બોટલ સાથે એક શખ્સ મળી આવ્યો છે.
જામનગરના ગોકુલનગર વિસ્તારમાં આવેલા આશાપુરા સર્કલ પાસે ગઈરાત્રે ઈંગ્લીશ દારૂની હેરાફેરી થઈ રહી હોવાની બાતમી પરથી સિટી સી ડિવિઝનના સ્ટાફે વોચ રાખી હતી. તે દરમિયાન રાત્રે સાડા બારેક વાગ્યે એક શખ્સ પસાર થતાં તેને રોકી લેવામાં આવ્યો હતો.
પોલીસે આ શખ્સની તલાશી લેતા તેની પાસેથી ઈંગ્લીશ દારૂના ૧૯૨ ચપટા મળી આવ્યા હતા. પોરબંદરના બોખીરામાં આવેલી સોસાયટીમાં રહેતા રાજ હરીશભાઈ મદલાણી નામના આ શખ્સની પોલીસે દારૂ તેમજ એક મોબાઈલ મળી કુલ રૂ.૩૩૫૨૦નો મુદ્દામાલ કબજે કરી ધરપકડ કરી છે.
જામનગરના રણજીતસાગર રોડ પર આવેલા નવા ૮૦ ફૂટ રોડ સ્થિત એક શખ્સના મકાનમાં દારૂનો જથ્થો પડ્યો હોવાની બાતમી પરથી ગઈકાલે રાત્રે સિટી એ ડિવિઝનના સર્વેલન્સ સ્ટાફે ત્યાં આવેલી સ્કૂલ નજીક રોહિત ધીરજલાલ નંદા નામના શખ્સના મકાનમાં દરોડો પાડી તલાશી લેતા ત્યાંથી ઈંગ્લીશ દારૂના ચાર ચપટા મળી આવ્યા હતા. પોલીસે રોહિત નંદાની ધરપકડ કરી છે.
જામનગરના કાલાવડ નાકા બહારથી ઠેબા બાયપાસ જવાના રોડ પર ગઈકાલે બપોરે રામેશ્વરનગર પાછળ જલારામ પાર્કની શેરી નં.રમાં રહેતા મહેન્દ્રસિંહ જયેન્દ્રસિંહ ઝાલા ઉર્ફે ભોલીયા નામના શખ્સને પોલીસે ઈંગ્લીશ દારૂની બે બોટલ સાથે પકડી લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
