Author: નોબત સમાચાર
વિભાજી સ્કૂલ પાસે ગોલા-સરબતના વેપારી પર ચાર શખ્સનો પાઈપથી હુમલો
દારૂના વેચાણ બાબતે બોલાચાલી કરી ધમકી આપીઃ
જામનગર તા. ૨૫: જામનગરના કુમાર મંદિર રોડ પર ગોલા-સરબતની દુકાન ચલાવતા એક યુવાન પર સોમવારની રાત્રે વિભાજી સ્કૂલ પાસે ચાર શખ્સે પાઈપથી હુમલો કરી તેનો હાથ ભાંગી નાખ્યો હતો. દેશી દારૂના વેચાણની બાબતે એક શખ્સે બોલાચાલી કર્યા પછી મકાન ખાલી કરી નાખવાની અને મારી નાખવાની ધમકી પણ આપી હતી. પોલીસે હુમલાખોરો સામે ગુન્હો નોંધ્યો છે.
જામનગરના પંચેશ્વર ટાવર નજીક આવેલી વંડાફળીમાં રહેતા અને કુમાર મંદિર રોડ પર ગોલા, સરબતની દુકાન ચલાવતા ભરતભાઈ કાનજીભાઈ ઢાપા ઉર્ફે ભલા પર સોમવારની રાત્રે બેએક વાગ્યે વિભાજી સ્કૂલ સામે રાહુલ રાઠોડ, મયુર રાઠોડ તથા બે અજાણ્યા શખ્સે હુમલો કરી ગંભીર ઈજા પહોંચાડી હતી.
આ બાબતની પોલીસમાં કરાયેલી ફરિયાદમાં જણાવવામાં આવ્યા મુજબ રાહુલ રાઠોડને દેશી દારૂનું વેચાણ કરવું હોય તે બાબતે ભરતભાઈ સાથે બોલાચાલી થયા પછી સોમવારે રાત્રે બેએક વાગ્યે ભરતભાઈ તથા અન્ય વ્યક્તિ પોતાની દુકાન તરફ જતા હતા ત્યારે તેઓના બાઈક સાથે પોતાનું બાઈક ટકરાવી રાહુલ તથા મયુર સહિતના ચાર શખ્સે તેઓને રોક્યા હતા.
ત્યારપછી રાહુલ તથા મયુરે પાઈપથી હુમલો કર્યાે હતો. તે દરમિયાન બીજા બાઈકમાં ધસી આવેલા બીજા બે શખ્સે પણ પાઈપ કાઢી ફટકા મારવાનું શરૂ કર્યું હતું. ગાળો ભાંડી આ શખ્સોએ ભરતભાઈને ગંભીર ઈજા પહોંચાડી હતી અને વચ્ચે પડનાર વ્યક્તિને પણ માર માર્યાે હતો. હાથમાં ફ્રેક્ચર થઈ જતાં ભરતભાઈને સારવારમાં ખસેડવામાં આવ્યા છે. હુમલાખોરોએ મકાન ખાલી કરી નાખજે તેવી ધમકી પણ આપી હતી. સિટી એ ડિવિઝન પોલીસે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
