Author: નોબત સમાચાર
ટોલનાકા પાસે મોટરની તલાશી લેતાં નીકળી પડ્યો ઈંગ્લીશ દારૂની જથ્થો
નગરના શખ્સની એલસીબીએ કરી અટકાયતઃ
જામનગર તા.૧૩ : ધ્રોલ નજીક સોયલ ટોલનાકા પાસેથી એલસીબીએ એક મોટરમાં લઈ જવાતી અંગ્રેજી શરાબની ૭૮ બોટલ સાથે શાંતિનગરના શખ્સની અટકાયત કરી છે. તેણે આ જથ્થો સુરેન્દ્રનગરના લીંબડીમાંથી મેળવ્યો હોવાની કબૂલાત આપી છે.
ધ્રોલના સોયલ ટોલનાકા પાસે એક મોટરમાં ઈંગ્લીશ દારૂની હેરાફેરી થતી હોવાની બાતમી એલસીબીના મયુદ્દીન, અરજણભાઈ, ધર્મેન્દ્રસિંહને મળતા પીઆઈ વી.એમ. લગારીયાની સૂચનાથી પીએસઆઈ પી.એન. મોરી, સી.એમ. કાંટેલીયા, એ.કે. પટેલના વડપણ હેઠળ એલસીબીએ વોચ રાખી હતી.
તે દરમિયાન જીજે-૧૬-એએ ૭૮૫૮ નંબરની ધ્રોલ તરફથી આવતી મોટરને રોકી લેવાઈ હતી. તેની તલાશી લેવાતા તે મોટરના ચોરખાના માંથી ઈંગ્લીશ દારૂની ૭૮ બોટલ મળી આવી હતી. બોટલ, મોબાઈલ તથા મોટર મળી કુલ રૂ.૧,૩૬,૪૦૦નો મુદ્દામાલ કબજે કરી એલસીબીએ જામનગરના શાંતિનગરની શેરી નં.પમાં રહેતા રવિરાજસિંહ કિરીટસિંહ જાડેજા ઉર્ફે રવિ નામના શખ્સની અટકાયત કરી છે.
તેની પ્રાથમિક પૂછપરછમાં આ શખ્સે સુરેન્દ્રનગરના લીંબડી ગામમાંથી દારૂનો જથ્થો મેળવ્યાની કબૂલાત આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x548~2.jpeg)
