Author: નોબત સમાચાર
જામનગરના પતંગો ઉત્તરાયણની આકાશી ઉજવણી માટે સજ્જઃ 'પુષ્પારાજ'
પતંગ, દોરી, તુક્કલ ઉપરાંત બ્યુગલ, ટોપી, ચશ્માની ઘરાકી નીકળીઃ
મકરસંક્રાંતથી ઉત્તરાયણનો આરંભ થાય છે જે શુભ માનવામાં આવે છે. આ દિને દાન કરવા ઉપરાંત પતંગબાજીની લોક પરંપરા હવે સૌરાષ્ટ્રમાં પણ પ્રચલિત બની છે. છેલ્લા દોઢ દાયકામાં જામનગરમાં ઉત્તરાયણ પર પતંગ ચગાવવાનો ટ્રેન્ડ જામ્યો છે. જેને પગલે રાજકોટનાં સદર બજારની પતંગ બજાર જેવા જ દૃશ્યો શહેરનાં લંઘાવડનાં ઢાળીયા તથા શાક માર્કેટ આસપાસનાં વિસ્તારમાં જોવા મળે છે.પતંગ માર્કેટમાં આ વખતે ૧૦ થી ૧૫% જેવો ભાવ વધારો લોકો અનુભવી રહ્યા છે. મોદી સિઝન સ્ટોરનાં ખુઝૈમા મોદીના જણાવ્યાનુસાર બજારમાં રૂ. પ થી લઇ રૂ. ૪૦૦ સુધીનાં પતંગ ઉપલબ્ધ છે. તો ૧૦૦ રૂપિયાથી લઇ ૧૫૦૦ રૂપિયા સુધીની રેન્જમાં દોર હાજર છે. પ્રતિબંધિત કાચ પાયેલા તથા ચાઇનીઝ દોર અને તુક્કલનું ગેરકાયદે વેચાણ ન થાય એ માટે ચેકીંગ ડ્રાઇવ પણ યોજવામાં આવે છે. પતંગમાં પરંપરાગત ડિઝાઇનવાળા પતંગો તો છે જ ઉપરાંત આ વખતે 'પુષ્પા' ફિલ્મના પોસ્ટર જેવા પતંગો પણ ટ્રેન્ડીંગ છે. ધાબા પર પતંગબાજીની મોજ માણવા બ્યુગલ - ટોપી, ચશ્મા વગેરે અન્ય એસેસરીઝની પણ માંગ છે. શહેરના પતંગ રસિયાઓ ઉત્તરાયણની ગગનચુંબી ઉજવણી કરવા થનગની રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x548~2.jpeg)
