Author: નોબત સમાચાર
કાલાવડના નાની વાવડીમાં થયેલી ચોરીનો તમામ મુદ્દામાલ ફરિયાદીને પરત સોંપાયો
તેરા તુજકો અર્પણ કાર્યક્રમ અંતર્ગત
જામનગર તા.૧૧ : કાલાવડના નાની વાવડી ગામના એક આસામીના મકાનમાં સોના-ચાંદીના દાગીના અને રોકડ સહિતની ચોરી થઈ હતી. તે મુદ્દામાલ પોલીસે પકડી પાડ્યા પછી ફરિયાદીએ તે મુદ્દામાલ પરત મેળવવા કરેલી તજવીજના અંતે પોલીસે તેરા તુજકો અર્પણ કાર્યક્રમ અંતર્ગત તમામ મુદ્દામાલ પરત સોંપ્યો છે.
કાલાવડ તાલુકાના નાની વાવડી ગામમાં રહેતા ખેડૂત મનસુખભાઈ પરસોત્તમભાઈ સાંગાણીના મકાનમાં સોના, ચાંદીના દાગીના તથા રોકડ રકમ ચોરાઈ ગયાની પોલીસમાં ફરિયાદ કરવામાં આવી હતી. જેમાં રૂ.૧૯ લાખ ૯૦૫૦૦ની કિંમતના સોનાના દાગીના અને રૂ.૧૯ હજારની કિંમતના ચાંદીના દાગીના ચોરાયા હતા.
આ ગુન્હાની તપાસમાં એલસીબીએ બે શખ્સને દબોચી લીધા હતા અને કુલ રૂ.૨૦ લાખ ૯૧,૫૦૦નો મુદ્દામાલ કબજે કર્યાે હતો. તે મુદ્દામાલ પરત મેળવવા મનસુખભાઈએ કોર્ટ સમક્ષ અરજી કરી હતી. તે અરજી અંગે પોલીસે અભિપ્રાય આપવાનો હતો. જિલ્લા પોલીસવડા પ્રેમસુખ ડેલુની સૂચનાથી કાલાવડ શહેર પોલીસ મથકના ઈન્ચાર્જ પીઆઈ એન.બી. ડાભીએ તાત્કાલિક અભિપ્રાય રજૂ કર્યાે હતો. જેના પગલે ફરિયાદીને તેમનો સામાન પરત મળવાના સંજોગો ઉજળા બન્યા હતા. અદાલતે તે મુદ્દામાલ પરત સોંપી આપવા હુકમ કર્યાે હતો.
ત્યારપછી તેરા તુજકો અર્પણ કાર્યક્રમ અંતર્ગત ગઈકાલે મનસુખભાઈને એસપી પ્રેમસુખ ડેલુ, ડીવાયએસપી આર.બી. દેવધા, જે.એન. ઝાલા, એલસીબી પીઆઈ વી.એમ. લગારીયા, કાલાવડના પીઆઈ એન.બી. ડાભીના હસ્તે તમામ મુદ્દામાલ પરત સોંપી અપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x548~2.jpeg)
