Author: નોબત સમાચાર
જામનગરની સોસાયટીની ચેક પરતની ફરિયાદમાં છ મહિનાની કેદની સજા
ચેકની રકમ મુજબનું વળતર ચૂકવાશેઃ
જામનગર તા.૧૩ : જામનગરની એક સોસાયટીએ રૂ.૧,૨૮,૪૧૫ના ચેક પરતની કરેલી ફરિયાદમાં અદાલતે આરોપીને છ મહિનાની કેદની સજા અને ચેક રકમ મુજબનો દંડ ભરવા હુકમ કર્યાે છે.
જામનગરની સ્વામી વિવેકાનંદ ક્રેડીટ કો.ઓપ. સોસાયટીના સભાસદ અને લાલપુર તાલુકાના પીપરટોડા ગામના સવજીભાઈ ગોવાભાઈ ધ્રાંગીયાએ સોસાયટી પાસેથી લોન મેળવી હતી.
ત્યારપછી સવજીભાઈનું અવસાન થતાં લોન નિયમિત ન ભરાતા સોસાયટીએ વારસદાર અને ેતેના જામીન વિરૂદ્ધ ફરિયાદ કરી હતી. તે ફરિયાદ અન્વયે તેમના પુત્ર સંગ્રામ સવજીભાઈ ધ્રાંગીયાએ કોર્ટ સમક્ષ સમાધાન કરી લોન ભરપાઈ માટે ચેક આપ્યો હતો. તે ચેક બેંકમાંથી પરત ફર્યાે હતો. તેથી સોસાયટીના વકીલે નોટીસ પાઠવી હતી. તેમ છતાં ચેક મુજબની રકમનું લેણું ન ચૂકવાતા નેગો. ઈન્સ્ટ્રુ. એક્ટ હેઠળ ફરિયાદ કરવામાં આવી હતી. આ કેસમાં આરોપી કોર્ટ સમક્ષ હાજર થયા ન હતા.
તે કેસ ચાલી જતાં અદાલતે આરોપી સંગ્રામ સવજીભાઈ ધ્રાંગીયાને તક્સીરવાન ઠરાવી અદાલતે છ મહિનાની કેદની સજા અને ચેકની રકમ રૂ.૧,૨૮,૪૧૫નો દંડ ફટકાર્યાે છે. સોસાયટી તરફથી વકીલ મિતેશ પટેલ, મણીલાલ કાલસરીયા, ગૌરાંગ મુંજપરા, એચ.એમ. ધામેલીયા, જયદીપસિંહ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x548~2.jpeg)
