Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ઉધારમાં બ્રાસપાર્ટ ખરીદી બતાવી દીધો ઠેંગોઃ
જામનગર તા.૧૧ : જામનગરના એક વેપારી પાસેથી બ્રાસપાર્ટનો કેટલોક સામાન ઉધાર મેળવ્યા પછી અન્ય વેપારીઓને પણ મૂળ વલસાડના અને હાલ અમદાવાદમાં ધંધો કરતા શખ્સે એક વર્ષ સુધી રૂ.પોણા કરોડ જેટલી રકમ નહીં ચૂકવતા આખરે પોલીસમાં ફરિયાદ કરવામાં આવી છે. પોલીસે વિશ્વાસઘાત આચરનાર અમદાવાદના વેપારી સામે ગુન્હો નોંધી તપાસ શરૂ કરી છે.
જામનગરના રણજીત સાગર રોડ પર ન્યુ આર્શીવાદ એવન્યુ શેરી નં.૧માં રહેતા હીરેનભાઈ મનસુખભાઈ કપુરીયા નામના વેપારીએ અમદાવાદના કેનાલ રોડ પર ઘોડાસરમાં આલોક પુષ્પકમાં રહેતા મયુર હરીશભાઈ દુધૈયા નામના વલસાડના વતની શખ્સ સામે પંચકોશી બી ડિવિઝન પોલીસ સ્ટેશનમાં વિશ્વાસઘાત આચરવા અંગે રાવ કરી છે. ફરિયાદમાં જણાવવામાં આવ્યા મુજબ વર્ષ ૨૦૨૩ના જાન્યુઆરી મહિનામાં હીરેનભાઈનો સંપર્ક મૂળ વલસાડના મયુર દુધૈયા સાથે થયા પછી તેમની પેઢીમાંથી અને અન્ય વેપારીઓની પેઢી પાસેથી મયુર દુધૈયાએ બ્રાસપાર્ટની ખરીદી શરૂ કરી હતી. તે પછી જામનગરના વેપારીઓના બીલ બાકી રાખવાનું શરૂ કર્યું હતું.
આ આસામીએ હીરેનભાઈ સહિતના વેપારીઓ પાસેથી કુલ રૂ.૭૪,૫૪,૪૪૪ની રકમ નો બ્રાસપાર્ટનો સામાન ખરીદ્યા પછી બાકી રકમ ચૂકવવામાં ગલ્લાતલ્લા શરૂ કર્યા હતા. સતત એકાદ વર્ષ સુધી ઉઘરાણી કરવા છતાં નગરના વેપારીઓને તેમની રકમ નહીં મળતા તમામ વેપારીઓ વતી હીરેનભાઈ કપુરીયાએ ગઈકાલે ફરિયાદ નોંધાવી છે. પોલીસે આઈપીસી ૪૨૦ મુજબ ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial