Author: નોબત સમાચાર
કાલાવડના યુવાનને આત્મહત્યાની ફરજ પાડવાના કેસમાં આગોતરા જામીન અરજી રદ્દ
મહિલા સહિત બે આરોપીએ કરી હતી અરજીઃ
જામનગર તા.૧૧ : કાલાવડના એક દલિત યુવાને એક મહિના પહેલાં ગળાફાંસો ખાઈ આત્મહત્યા કરી લીધી હતી. આ યુવાને પોતાને આત્મહત્યાની ફરજ પડતી હોવાનું અને પાડોશી બ્લેકમેઈલ કરતા હોવાનું જણાવતો વીડિયો બનાવ્યો હતો. પોલીસે દુષ્પ્રેરણાનો ગુન્હો નોંધ્યો હતો. મહિલા સહિતના બે આરોપીએ આગોતરા જામીન મેળવવા અદાલતમાં અરજી કરી હતી. તે અરજી અદાલતે ફગાવી દીધી છે.
કાલાવડ શહેરમાં વસવાટ કરતા મહેશભાઈ નાથાભાઈ મહિડા નામના યુવાને ગઈ તા.૮ ડિસેમ્બરના દીને પોતાના ઘરમાં ગળાફાંસો ખાઈ આત્મહત્યા કરી લીધી હતી. જેની થતાં તેમના પરિવારે પોલીસને વાકેફ કર્યા પછી તે ઓરડામાં તપાસ કરતા મહેશભાઈનો મોબાઈલ મળી આવ્યો હતો. જેમાં એક વીડિયો શૂટ કરેલો હતો.
તે વીડિયોમાં મૃતક મહેશભાઈએ જણાવ્યું હતું કે, મનસુખભાઈ દુદાભાઈ વાણીયા તથા લક્ષ્મીબેન મનસુખભાઈ નામના પાડોશીઓના ત્રાસ તેમજ તેઓ બ્લેકમેઈલ કરી પજવતા હોવાથી પોતે આત્મ હત્યા કરી રહ્યા છે અને પોતાને માફ કરવાનું અને પુત્રીનું ધ્યાન રાખવાનું સૂચન પણ વીડિયોમાં મહેશભાઈએ કર્યું હતું.
તે વીડિયો પોલીસ સમક્ષ રજૂ કરવામાં આવ્યા પછી ફરિયાદ નોંધાવાઈ હતી. પોલીસે આત્મહત્યાની દુષ્પ્રેરણા આપવાનો મનસુખ ભાઈ તથા લક્ષ્મીબેન મનસુખ ભાઈ વાણિયા સામે ગુન્હો નોંધ્યો હતો. તે દરમિયાન બંને આરોપીએ આગોતરા જામીન મેળવવા માટે અરજી કરી હતી.
તે અરજી અન્વયે આરોપી પક્ષે દલીલ કરી હતી કે, મહેશભાઈને તેમના માતાએ કામ ધંધો કરવા બાબતે ઠપકો આપ્યો હોવાથી તેઓએ આત્મહત્યા કરી છે. આરોપીઓ દ્વારા ત્રાસ આપવામાં આવતો હોય તો મૃતકે પોલીસમાં અરજી કે કોઈ ફરિયાદ નોંેંધાવી નથી. ઉપરોક્ત વીડિયો ક્યાંથી આવ્યો? અને કેટલા સમય પહેલાંનો છે? તે પુરાવાનો વિષય છે. તેથી આરોપીઓને આગોતરા જામીન આપવા જોઈએ તેની સામે ફરિયાદ પક્ષે દલીલ કરી હતી કે, વીડિયોમાં મૃતકે પોતાને આત્મહત્યા કરવા ફરજ પડી રહી છે તેમ જાહેર કરી પોતાની પાસે આત્મહત્યા સિવાય કોઈ રસ્તો ન હોવાનું દર્દભરી રીતે જણાવે છે ત્યારે આરોપીઓને જો આગોતરા જામીન આપવામાં આવે તો સમાજમાં તેનો ખોટો સંદેશો જઈ શકે છે.
ઉપરોક્ત દલીલો ગ્રાહ્ય રાખી અદાલતે બંને આરોપીની આગોતરા જામીન અરજી રદ્દ કરી છે. ફરિયાદ પક્ષ તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x548~2.jpeg)
