Author: નોબત સમાચાર
દડીયા ગામ પાસેથી ઈંગ્લીશ દારૂની સાત બોટલ સાથે એક શખ્સ ઝડપાયો
સીંગચ નજીકથી બે શખ્સ દારૂ સાથે પકડાયાઃ
જામનગર તા. ૩૦: જામનગરના દડીયા ગામ પાસે પસાર થતા એક શખ્સના કબજામાંથી પોલીસે ઈંગ્લીશ દારૂની સાત બોટલ કબજે કરી છે. તેણે પોતાના સાગરિતનું નામ આપ્યું છે. જયારે ઝાખરથી સીંગચ ગામ વચ્ચેના રસ્તા પરથી બે શખ્સ દારૂની બે બોટલ સાથે ઝડપાઈ ગયા છે.
જામનગર-સમાણા રોડ પર આવેલા દડીયા ગામ પાસે ગઈકાલે રાત્રે પસાર થતાં દડીયા ગામના વિપુલ કારાભાઈ મકવાણા નામના શખ્સને પેટ્રોલિંગમાં રહેલા પંચકોશી બી ડિવિઝનના સ્ટાફે શકના આધારે રોકાવી ચેક કરતા આ શખ્સ પાસેથી ભારતીય બનાવટના અંગ્રેજી શરાબની સાત બોટલ મળી આવી હતી. પોલીસે બોટલ કબજે કરી વિપુલની ધરપકડ કરી છે. આ શખ્સે પોતાના સાગરિત ભાવેશ સરવૈયાનું નામ આપ્યું છે.
જામનગર-ખંભાળિયા રોડ પર ઝાખર ગામથી સીંગચ તરફ જવાના રોડ પર ગઈરાત્રે એકાદ વાગ્યે જઈ રહેલા ખંભાળિયાના લાખા નાથાભાઈ બુધીયા, દેવળીયા ગામના પાટીયા પાસે રહેતા ભૂરા આશાભાઈ સંધીયા નામના બે શખ્સને રોકી મેઘપર પોલીસે ચેક કરતા આ શખ્સો પાસેથી દારૂની બે બોટલ મળી આવી હતી. પોલીસે બોટલ કબજે કરી બંને શખ્સની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
