Author: નોબત સમાચાર
ચંદ્રગઢ ગ્રામ પંચાયતની મુલાકાતે કલેક્ટરઃ રેકર્ડ ચકાસણીઃ ખેડૂતો સાથે સંવાદ કરી અધિકારીઓને જરૂરી સૂચનો કર્યા
કલેક્ટરશ્રી દ્વારા ગામમાં ચાલી રહેલ જમીન માપણી સ્થળની મુલાકાત
જામનગર જિલ્લા કલેક્ટર કેતન ઠક્કરે ચંદ્રગઢ ગ્રામ પંચાયતની મુલાકાત લઈ પંચાયતના રેકર્ડની ચકાસણી કરી હતી. જેમાં તેઓએ રેકર્ડની જાળવણી, રેવન્યુ રેકર્ડની ચકાસણી, વિવિધ ફાઈલોની જાળવણી, વેરા વસૂલાતની કામગીરી, જામનગર રજિસ્ટર, ભાડા પેટે આપેલ જમીનનું રજિસ્ટર વગેરે રજિસ્ટરની ચકાસણી કરી લગત અધિકારીઓને જરૂરી સૂચનો કર્યા હતાં. કલેક્ટરશ્રીએ ગામમાં જે ખેતરોમાં જમીન માપણીની કામગીરી ચાલી રહી છે ત્યાં સ્થળ મુલાકાત કરી કામગીરીનું નિરીક્ષણ કરી જમીન રી-સર્વેની કામગીરી અંગે ઝીણવટભરી માહિતી મેળવી હતી તથા ખેડૂતો અને ગ્રામજનોની રજૂઆતો સાંભળી અધિકારીશ્રીઓને લોકોની રજૂઆતોનું હકારાત્મક નિરાકરણ લાવવા જણાવ્યું હતું. આ મુલાકાતમાં કલેક્ટરશ્રી સાથે જામનગર શહેર પ્રાંત અધિકારી પ્રશાંત પરમાર, ડીઆઈએલઆર અધિકારી કે.એન. ગઢિયા, લગત અધિકારીશ્રીઓ વગેરે ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
