Author: નોબત સમાચાર
યુવતી સાથે પ્રેમસંબંધ હોવાથી જામનગરમાં યુવકને આંતરી ચાર શખ્સનો છરી-ધોકાથી હુમલો
અવેડો સાફ કરવાના મુદ્દે યુવાનને ધોકો ફટકાર્યાેઃ
જામનગર તા. ૫:જામનગરના બેડી વિસ્તારમાં એક યુવતી સાથે પ્રેમસંબંધ ધરાવતા યુવકને તે યુવતીના પરિવારના શખ્સોએ રોકી લઈ છરી-ધોકાથી હુમલો કરી માર માર્યાે હતો. જ્યારે લાલપુરના ભણગોરમાં અવેડો સાફ કરતા યુવાનને ધોકો ફટકારી એક શખ્સે ધમકી આપી હતી.
જામનગરના બેડી વિસ્તારમાં આવેલા ઈદ મસ્જિદ રોડ પર રહેતા નઝીર ઘુમરા નામના યુવાનને અગાઉ ત્યાં જ રહેતી એક યુવતી સાથે પ્રેમસંબંધ હતો. તેની જાણ આ યુવતીના પરિવારના હુસેન વલીમામદ જેડાને થઈ હતી. ત્યારથી નઝીર પર ખાર રાખવામાં આવ્યો હતો.
તે દરમિયાન ગઈકાલે સવારે ઈદ મસ્જિદ રોડ પરથી પસાર થતાં નઝીરને રોકી લઈ હુસેન વલીમામદ, અબ્બાસ વલીમામદ, મોઈન જેડા, રમઝાન ભુરા ચૌહાણ નામના શખ્સોએ ગાળો ભાંડી હતી. આજે તું હાથમાં આવી ગયો છો તેમ કહી હુસેને છરી વડે હુમલો કર્યાે હતો અને અબ્બાસ, મોઈન અને રમઝાને ધોકા ફટકાર્યા હતા. ઈજા પામેલા નઝીરને સારવારમાં ખસેડવામાં આવ્યો છે. તેના કાકા રમઝાન અબ્દુલ ઘુમરાએ પોલીસમાં ફરિયાદ નોંધાવી છે.
લાલપુર તાલુકાના ભણગોર ગામના જયેશભાઈ ભુટાભાઈ ઝીંઝુવાડીયા મંગળવારે ગામનો અવેડો સાફ કરતા હતા ત્યારે અમિત નારણભાઈ ઝીંઝુવાડીયાએ તમે અવેડો કેમ સાફ કરો છો તેમ કહી ગાળો ભાંડી હતી. તેને ગાળો બોલવાની જયેશભાઈએ ના પાડતા ઉશ્કેરાયેલા અમિતે ત્યાં પડેલો ધોકો ઉપાડી જયેશભાઈને ઝીંકયો હતો અને જાનથી મારી નાખવાની ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
