Author: નોબત સમાચાર
નોકરશાહી ઘટાડવા અમેરિકાના રાષ્ટ્રપતિએ એક જ દિ'માં ૧૦ હજાર કર્મચારીઓને કાઢી મૂકયા
૭૫ હજાર નોકરિયાતોએ ટ્રમ્પ-મસ્કના વિરોધમાં સ્વેચ્છાએ નોકરી છોડીઃ વ્હાઈટ હાઉસ
વોશીંગ્ટન તા. ૧૫: ટ્રમ્પ અને મસ્કે એક જ દિવસમાં ૧૦,૦૦૦ કર્મચારીઓની નોકરી છીનવી લીધી છે. સરકારે નોકરશાહીમાં ઘટાડો કરવા માટે આ કડક પગલું ભર્યુ છે. ટ્રમ્પ-મસ્કના વિરોધમાં ૭૫૦૦૦ સરકારી કર્મચારીઓએ સ્વૈચ્છિક રીતે નોકરી છોડી દીધી હોવાનું પણ બહાર આવ્યું છે.
અમેરિકામાં લગભગ ૧૦ હજાર સરકારી કર્મચારીઓને નોકરી પરથી કાઢી મૂકવામાં આવ્યા છે. ડોનાલ્ડ ટ્રમ્પ અને તેમના સહયોગી ઈલોન મસ્કે સાથે મળીને એક જ દિવસમાં ૯૫૦૦ કર્મચારીઓને કાઢી મૂકવાનો નિર્ણય લીધો છે. આ કર્મચારીઓ સરકારી જમીનોના રક્ષણથી લઈને નિવૃત્ત સૈનિકોની સારસંભાળ રાખવાના કામમાં રોકાયેલા હતા.
માહિતી અનુસાર, ડોનાલ્ડ ટ્રમ્પની સરકારે નોકરશાહીમાં ઘટાડો કરવા માટે આ કડક પગલું ભર્યું છે. ગૃહ વિભાગ, ઉર્જા, વેટરન્સ અફેર્સ, કૃષિ, આરોગ્ય અને અન્ય ઘણાં વિભાગોમાં છટણી કરવામાં આવી છે. નોકરીમાંથી કાઢી મૂકાયેલા મોટાભાગના લોકો પ્રોબેશન પીરિયડ પર હતા. ઘણા કર્મચારીઓને નોકરી પર એક વર્ષ પણ પૂરું નહોતું થયું. જ્યારે કેટલીક સરકારી એજન્સીઓ પણ બંધ કરી દેવામાં આવી છે. તેમાં કન્ઝ્યૂમર ફાઈનાન્શિયલ પ્રોટેક્શન બ્યુરોનો પણ સમાવેશ થાય છે.
આ દરમિયાન ઈન્ટરલ રેવન્યૂ સર્વિસમાં પણ હજારો કર્મચારીઓને કાઢી મૂકવાની તૈયારી છે. એવા પણ અહેવાલો છે કે ૧૫ એપ્રિલ પહેલા આ વિભાગમાં મોટી સંખ્યામાં કર્મચારીઓને કાઢી મૂકવામાં આવી શકે છે. વ્હાઇટ હાઉસના જણાવ્યા અનુસાર, ૭૫,૦૦૦ એવા કર્મચારીઓ હતા જેમણે ડોનાલ્ડ ટ્રમ્પ અને ઈલોન મસ્કના વિરોધમાં સ્વેચ્છાએ નોકરી છોડી દીધી હતી. અમેરિકાનો કુલ સરકારી સ્ટાફ આશરે ૨૩ લાખ છે. આવી સ્થિતિમાં, લગભગ ૩ ટકા સરકારી કર્મચારીઓએ પોતાની નોકરી જાતે છોડી દીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
