Author: નોબત સમાચાર
જામનગરની યુવતી પર દુષ્કર્મ ગુજારનાર વિધર્મી શખ્સની જામીન અરજી નામંજૂર
વિગતો છુપાવી આચર્યું હતું દુષ્કૃત્યઃ
જામનગર તા.૧૫ : જામનગરની એક યુવતીના પરિચયમાં આવેલા વિધર્મી શખ્સે પોતે પરિણીત તથા સંતાનનો પિતા હોવાની હકીકત છૂપાવી તે યુવતી પર દુષ્કર્મ ગુજાર્યું હતું. યુવતીએ પોલીસ સમક્ષ કરેલી ફરિયાદ પછી આરોપી જેલહવાલે થયો હતો. તેણે ચાર્જશીટ રજૂ થતાં જામીન મુક્ત થવા અરજી કરી હતી. તે અરજી અદાલતે નામંજૂર રાખી છે.
જામનગરના એક યુવતી પોતાની બહેનપણીના પ્રસંગમાં ગઈ હતી. ત્યારે પરવેઝ આફતાબ સફીયા નામનો શખ્સ મળ્યો હતો. આ શખ્સે ફોન નંબર મેળવી વાતચીતનો દૌર શરૂ કર્યાે હતો. તે પછી બીજા શહેરમાં ગયેલી તે યુવતીને મોટરમાં એક હોટલમાં લઈ ગયેલા પરવેઝે દુષ્કર્મ ગુજાર્યા પછી પોતે અપરિણીત હોવાનું કહી આ યુવતી સાથે સંબંધ વધાર્યાે હતો.
તે દરમિયાન પરવેઝ પરિણીત હોવાની અને તેને સંતાન પણ હોવાની વિગત મળતા આ યુવતીએ સંબંધ તોડી નાખ્યો હતો. તેમ છતાં વીડિયો તથા ફોટા પોતાના મોબાઈલમાં રાખી પરવેઝે તેણી પર અવારનવાર દુષ્કર્મ ગુજાર્યું હતું. તેની ફરિયાદ પોલીસમાં કરાઈ હતી.
આ આરોપીની પોલીસે ધરપકડ કરી જેલહવાલે કર્યા પછી ચાર્જશીટ થતાં આરોપીએ જામીનમુક્ત થવા અરજી કરી હતી. તે અરજી અદાલતે સરકારી વકીલ રાજેશ વશીયરની દલીલ ગ્રાહ્ય રાખી નામંજૂર કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
