Author: નોબત સમાચાર
જામનગરના બે આસામીને ચેક પરતના કેસમાં બે તથા એક વર્ષની કેદની સજા
ચેકની રકમ મુજબનો દંડ ભરવા આદેશઃ
જામનગર તા.૧૫ : જામનગરના એક આસામીને રૂ.૮ લાખના ચેક પરતના કેસમાં અદાલતે બે વર્ષની કેદની સજા ફટકારી છે. જ્યારે એન્જિનિયરીંગ વર્કસવાળા એક આસામીને પણ રૂ.૩ લાખ ૧૦ હજારના ચેક પરતના કેસમાં એક વર્ષની સજા આપવામાં આવી છે. બંને આરોપીને ચેકની રકમ મુજબનો દંડ ભરવાનો થશે.
જામનગરના ગાંધીનગર શેરી નં.૧માં રહેતા વિનોદ ભૂપતરાય મહેતા પાસેથી પંચવટી સોસાયટીમાં આવેલા કર્મભૂમિ એપાર્ટમેન્ટમાં રહેતા મુકેશ શંકરભાઈ ચાંદલીયાએ રૂ.૮ લાખ હાથઉછીના મેળવ્યા હતા. તેની પરત ચૂકવણી માટે અલગ અલગ કુલ પાંચ ચેક આપ્યા હતા.
તે ચેક બેંકમાંથી પરત ફરતા નેગો. ઈન્સ્ટ્રુ. એક્ટ હેઠળ ફરિયાદ કરવામાં આવી હતી. તે ફરિયાદ ચાલી જતાં આરોપીને તક્સીરવાન ઠરાવી બે વર્ષની કેદની સજા અને રૂ.૮ લાખનો દંડ તેમજ દંડ ભરવામાં ન આવે તો વધુ છ મહિનાની સજાનો હુકમ કરાયો છે. ફરિયાદી તરફે વકીલ જયેશ ડી. કારસારીયા રોકાયા હતા.
જામનગરના બેડેશ્વરમાં આવેલા ભાનુ એક્સપોર્ટ નામની પેઢીવાળા જેઠાલાલ ડુંગરશી ભાઈ હરબડા પાસેથી જય ખોડિયાર એન્જિનીયરીંગ વર્કસ વાળા રાજેશ બચુભાઈ રાઠોડે રૂપિયા સાડા ત્રણ લાખ હાથ ઉછીના લઈ રૂ.૩ લાખ ૧૦ હજારનો ચેક આપ્યો હતો. તે ચેક પરત ફર્યાની અદાલતમાં ફરિયાદ કરવામાં આવી હતી. અદાલતે આરોપી રાજેશ બચુભાઈ રાઠોડને તક્સીરવાન ઠરાવી એક વર્ષની કેદની સજા અને ચેકની રકમ વળતર પેટે ચૂકવી આપવા હુકમ કર્યાે છે. તે રકમ ન ચૂકવાય તો વધુ છ મહિનાની કેદની સજા આપવામાં આવી છે. ફરિયાદી તરફથી વકીલ વસંત ગોરી, દીપક નાનાણી, નેહલ સંચાણીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
