Author: નોબત સમાચાર
ઘર-ખેતરમાં કામ બાબતે પત્ની સાથે બોલાચાલી થતાં શ્રમિકનું વિષપાનઃ મૃત્યુ
સીદસરમાં અન્ય એક પરપ્રાંતીય શ્રમિકની આત્મહત્યાઃ
જામનગર તા.૧૫ : જામજોધપુરના સીદસરમાં ભાગમાં વાવવા માટે ખેતર રાખનાર મૂળ મધ્યપ્રદેશના એક શ્રમિકે અકળ કારણથી વિષપાન કર્યા પછી સારવાર દરમિયાન તેમના વતનમાં મૃત્યુ નિપજ્યું છે. જ્યારે ભાણવડના સઈ દેવરીયામાં એક શ્રમિકે ઘર તથા ખેતરના કામ બાબતે પત્ની સાથે બોલાચાલી થતાં માઠું લાગી આવવાથી ઝેરી દવા પી જિંદગીનો અંત આણ્યો છે.
જામજોધ૫ુર તાલુકાના સીદસર ગામમાં મૂળ મધ્યપ્રદેશ રાજ્યના અલીરાજપુર જિલ્લા ના ઉદયગઢ ગામના વતની ઉદય વાલસિંગ મોરી (ઉ.વ.૧૮) નામના શ્રમિકે ભાગમાં વાવવા માટે એક ખેતર રાખ્યું હતું. તે ખેતરમાં ગઈ તા.૧ની બપોરે કોઈ અકળ કારણથી ઉદય મોરીએ ઝેરી દવા પી લીધી હતી.
સારવાર માટે ઉપલેટા દવાખાને અને ત્યાંથી વધુ સારવાર માટે રાજકોટ સ્થિત સરકારી હોસ્પિટલમાં લઈ જવાયેલા આ યુવાનને તેના વતનમાં સારવાર માટે ખસેડાયો હતો. જ્યાં તેનું મૃત્યુ નિપજ્યું છે. અર્જુન વાલસિંગ મોરીએ પોલીસને જાણ કરી છે.
દેવભૂમિ દ્વારકા જિલ્લાના ભાણવડ તાલુકાના સઈ દેવરીયા ગામમાં કરશનભાઈ નંદાણીયા નામના ખેડૂતના ખેતરને ભાગમાં વાવવા માટે રાખનાર મૂળ મધ્યપ્રદેશના અલીરાજપુર જિલ્લાના વતની ભુગુભા રણસિંગ ડાંગર નામના યુવાને ગઈકાલે સવારે કોઈ ઝેરી દવા પી લીધી હતી. આ યુવાનનું મૃત્યુ નિપજ્યું છે. તેમના પત્ની નરબદીબેને પોલીસને જાણ કરી છે.
તેઓએ પોલીસ સમક્ષ જાહેર કર્યા મુજબ પતિ-પત્ની વચ્ચે ઘર તથા ખેતરમાં કામ બાબતે ત્રણેક દિવસ પહેલાં બોલાચાલી થઈ હતી. તેનું માઠું લાગી આવતા ભુગુભાએ ગઈકાલે દવા પી લીધી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
