Author: નોબત સમાચાર
દેશી દારૂની ભઠ્ઠીના કેસમાં નિવૃત્ત પોલીસ અધિકારીની ધરપકડઃ ચકચાર
આરોપીએ અધિકારીનું સાગરિતમાં આપ્યું હતું નામઃ
જામનગર તા.૧૫ : જામનગરના એક ગ્રામ્ય પંથક માં ગયા વર્ષે દેશી દારૂની ભઠ્ઠી ઝડપાઈ હતી. ત્યાંથી ૧૮૦૦ લીટર આથો કબજે થયો હતો. ઝડપાયેલા આરોપીએ પોતાના સાગરિત તરીકે એક નિવૃત્ત પોલીસ ઈન્સ્પેકટરનું નામ આપ્યું હતું. ચોંકેલી પોલીસે તપાસ હાથ ધર્યા પછી નિવૃત્ત પીઆઈની સંડોવણી જણાઈ આવતા તેમની ધરપકડ કરી છે.
જામનગર ૫ંથકમાં ગયા વર્ષે પંચકોશી એ ડિવિઝન પોલીસે દેશી દારૂની એક ભઠ્ઠી પર દરોડો પાડ્યો હતો. ત્યાંથી ૧૮૦૦ લીટર આથો, ૨૮૦ લીટર તૈયાર દેશી દારૂ અને ભઠ્ઠીના સાધનો મળી આવ્યા હતા. તે જથ્થા સાથે ઝડપાયેલા આરોપીએ પોતાના સાગરિત તરીકે હાલમાં જામનગરમાં રહેતા મૂળ વડોદરાના કારેલી બાગમાં વસવાટ કરતા નિવૃત્ત પીઆઈ મેઘરાજસિંહ ભરૂભા ઝાલાનું નામ આપ્યું હતું.
તે નામની નોંધણી કરી જે તે વખતે પોલીસે શરૂ કરેલી તપાસમાં નિવૃત્ત પીઆઈ એમ.બી. ઝાલાની સંડોવણી જણાઈ આવી હતી. તેથી પંચકોશી એ ડિવિઝનના પીઆઈ એમ.એન. શેખ અને પીએસઆઈ એ.કે. પટેલ સહિતના સ્ટાફે આરોપી નિવૃત્ત પીઆઈની ધરપકડ કરી કાયદા મુજબ કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
