Author: નોબત સમાચાર
કોલેજમાં એડમિશન તથા સિરિયલમાં કામ અપાવવાની લાલચ બતાવનાર શખ્સનો છૂટકારો
લગ્નના બોગસ દસ્તાવેજ કર્યા હતા વાયરલઃ
જામનગર તા.૧૫ : નગરની યુવતીને ઈજનેર કોલેજમાં એડમિશન તથા ટીવી સિરિયલમાં કામ અપાવી દેવાની લાલચ બતાવી રાજસ્થાનના એક શખ્સે લગ્નના બોગસ દસ્તાવેજ બનાવી સોશિયલ મીડિયા પર મૂક્યા હતા. તેની પોલીસમાં રાવ થયા પછી આ કેસ ચાલી જતાં અદાલતે આરોપીનો છૂટકારો ફરમાવ્યો છે.
જામનગરના એક વિદ્યાર્થિનીને થોડા સમય પહેલાં પ્રકાશ ગોસ્વામી નામના શખ્સનો પરિચય થયો હતો. આ વિદ્યાર્થિનીને ઈજનેર કોલેજ માં એડમિશન અપાવી દેવાનું કહી પ્રકાશે માયાજાળ પ્રસરાવી હતી અને તે પછી ટીવી સીરીયલમાં પણ કામ અપાવી દઈશ તેમ કહી મોડેલીંગના ફોટા પ્રકાશે પડાવ્યા હતા.
તે પછી જયપુરમાં એક સીરીયલનું શૂટીંગ ચાલુ છે તેમાં તને કામ મળી જશે તેમ કહી જયપુર લઈ જઈ તે યુવતીને એકટીંગની તાલીમ લેવાનું જણાવી પ્રકાશે જુદા જુદા સ્થળે ફેરવી હતી. તે દરમિયાન તારી સાથે લગ્ન કરવા છે તેમ કહી પ્રકાશે તારા ફોટા સોશિયલ મીડિયામાં વાયરલ કરવાની ધમકી આપી હતી અને તેણીના અસલી પ્રમાણપત્ર મારકૂટ કરી ઝૂંટવી લીધા હતા.
ત્યારપછી પ્રકાશને લગ્નની તે યુવતીએ ના પાડી દેતા બોગસ લગ્ન પ્રમાણપત્ર બનાવી આ શખ્સે તેની બહેનના સોશિયલ મીડિયાના એકાઉન્ટમાં મૂક્યું હતું. તેની જાણ થતાં આ યુવતીએ પોતાની સાથે વિશ્વાસઘાત અને પ્રતિષ્ઠાને હાની પહોંચાડવા માટે બનાવટી દસ્તાવેજ બનાવી ગાળો ભાંડી ધમકી આપતા હોવાની રાજસ્થાનના પ્રકાશ મનોહરગીરી ગોસ્વામી ઉર્ફે પિન્ટુ સામે ફરિયાદ કરી હતી. તે કેસ ચાલી જતાં અદાલતે આરોપી પક્ષના વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયાની દલીલો ગ્રાહ્ય રાખી આરોપીનો છૂટકારો ફરમાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
