Author: નોબત સમાચાર
પાટીદાર અનામત આંદોલન દરમિયાન થયેલી બબાલના કેસમાં ફરમાવાઈ મુક્તિ
૨૯ પાટીદાર યુવાન સામે નોંધાયો હતો ગુન્હોઃ
જામનગર તા. ૨૭: નવેક વર્ષ પહેલાં રાજ્યમાં ચાલી રહેલા પાટીદાર અનામત આંદોલન દરમિયાન ધ્રોલ પાસે થયેલી બબાલ અંગે ઓગણત્રીસ પાટીદાર યુવાન સામે પોલીસે ગુન્હો નોંધ્યો હતો. અદાલતમાં તે તમામનો છૂટકારો થયો છે.
થોડા વર્ષાે પહેલાં ચાલી રહેલા પાટીદાર અનામત આંદોલન દરમિયાન રાજકોટ જિલ્લાના ખંઢેરી પાસે પાટીદાર નેતા હાર્દિક પટેલની પોલીસ દ્વારા અટકાયત કરવામાં આવી હોવાના મેસેજ વાયરલ થયા હતા. તે પછી ગઈ તા. તા.૧૮-૧૦-૧૫ના જામનગર-રાજકોટ રોડ પર ધ્રોલ નજીક એસટી ડેપો સામે તથા ખારવા ચોકડીથી ગજાનન સોસાયટી વ્હાઈટ બિલ્ડીંગ સુધી હાર્દિક પટેલને મુક્ત કરવા માટે ટોળુ એકઠું થયું હતું. તેના કારણે ટ્રાફિકજામ થયો હતો.
આ વેળાએ અમૂક ઈસમો દ્વારા પાઈપ-ધોકાઓ સાથે ધસી આવી પોલીસ પર પથ્થરમારો, પાઈપથી હુમલો કરી પોલીસની ફરજમાં રૂકાવટ કરાઈ હતી. તે ઉપરાંત એસટી બસને પણ નુકસાન પહોંચાડાયું હતું. ધ્રોલ પોલીસે સંદીપ ભીમજીભાઈ કાનાણી સહિત ર૯ યુવાન સામે પબ્લિક પ્રોપર્ટી ડેમેજ એક્ટ, જીપી એક્ટ, આઈપીસીની કલમો હેઠળ ગુન્હો નોંધ્યો હતો.
ઉપરોક્ત કેસ ચાલી જતાં અદાલતે તમામ આરોપીનો છૂટકારો ફરમાવ્યો છે. આરોપીઓ તરફથી વકીલ નાથાલાલ ઘાડીયા, પરેશ સભાયા, હીરેન સોનગરા, રાકેશ સભાયા, ગજેન્દ્રસિંહ ઝાલા, નૈમિષ ઉમરેટીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
