Author: નોબત સમાચાર
સરકારી હોસ્પિટલમાં ઓર્થોપેડીક સર્જન હોવા છતાં દર્દીને ખાનગી હોસ્પિટલે જવું પડે!
ઓર્થોપેડીક વિભાગનું આઈઆઈટીવી મશીન બંધ થઈ જતા
ખંભાળિયા તા. ૨૭: ખંભાળિયાની સરકારી હોસ્પિટલના ઓર્થોપેડીક વિભાગનું મુખ્ય મશીન બંધ થતાં દર્દીઓને ફરજિયાત ખાનગી હોસ્પિટલે જવુ પડે છે. તેથી સરકારની ટીમ થઈ રહી છે.
ખંભાળિયાની સરકારી હોસ્પિટલના ઓર્થોપેડીક વોર્ડનું મહત્વની સારવાર માટેનું આઈ.આઈ.ટી.વી. નામનું મશીન એક માસથી બગડી જતાં બંધ થઈ જતાં ઓર્થોપેડીક સર્જન હોવા છતાં લોકોને ગરીબોને ફરજિયાત ખાનગી હોસ્પિટલમાં પૈસા ખર્ચીને જવું પડતું હોવાની ફરિયાદો ઉઠી છે. અને કામ કરતી સરકારની ટીકા થઈ રહી છે.
હાડકાના દર્દીઓ, ફ્રેકચર થયેલ, પડી ગયેલ કે હાડકા ભાંગી ગયેલા કે અકસ્માતમાં હાડકામાં ઈજા થયેલા દર્દીઓ સારવાર માટે દાખલ થાય છે જેમની સારવાર પણ બે-ત્રણ દિવસ થાય છે પણ ઓપરેશનનો વારો ચાલે ત્યારે આ મશીન કે જેના વગર હાડકું ક્યાં કેટલું જોડાયું તે જાણ ના થઈ શકે તેમ હોય ઓપરેશન ના થતાં ગરીબ દર્દીઓએ ફરજિયાત ખાનગી ઓર્થોપેડીક હોસ્પિટલોમાં જવું પડે છે !!
સરકારી હોસ્પિટલના સુપ્રિ. ડો. કપુરે એક મુલાકાતમાં જણાવેલ કે આ મહત્ત્વના ઓપરેશન યંત્રના બગડી જવાથી હાલ ઓપરેશન બંધ છે. કંપની દ્વારા ૧૦ દિવસમાં રીપેરીંગ થવાનું જણાવ્યું છે જે પછી ઓપરેશન રાબેતા મુજબ થઈ શકશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
