Author: નોબત સમાચાર
હાપા માર્કેટ યાર્ડમાં મગફળી-કપાસના ૫ાલની આવક બે દિવસ માટે બંધ કરાઈ
માવઠાની આગાહીના કારણે
જામનગર તા. ર૭: હવામાન વિભાગની માવઠાની આગાહીના પગલે જામનગર માર્કેટ યાર્ડમાં ખૂલ્લામાં થતી જણસીની હરાજી બે દિવસ માટે બંધ રાખવામાં આવી છે.
જામનગર માર્કેટ યાર્ડમાં થતી ટેકાના ભાવની ખરીદીની કામગીરી આજે અને આવતીકાલ શનિવારના બંધ રાખવામાં આવી છે. જેથી ખેડૂતો અને સરકારના કિંમતી માલનો કોઈ બગાડ થાય નહીં.
તેવી જ રીતે જામનગર માર્કેટ યાર્ડમાં ઓપન બજારમાં એટલે કે હરાજીમાં વેંચાણ માટે આવતા માલ જેમાં ખૂલ્લામાં ઉતારવામાં આવતા કપાસ અને મગફળીના પાલની આવક પણ બે દિવસ માટે બંધ રાખવામાં આવી છે.
માત્ર કપાસને મગફળીની ગુણીની આવક ચાલુ રખાઈ છે, કારણ કે, તેને યાર્ડમાં પ્લેટફોર્મની અંદર જ ઉતારવામાં આવે છે. આ ઉપરાંત રૂટીન આવક પણ યાર્ડમાં ચાલુ જ રાખવામાં આવી છે.
માત્ર પાલની આવક એટલે કે કપાસ, મગફળીની આવક બંધ રાખવામાં આવી છે, તેમ યાર્ડના સેક્રેટરી હિતેષભાઈ પટેલએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
