Author: નોબત સમાચાર
અમદાવાદ-અરવલ્લી-બનાસકાંઠા જિલ્લાઓમાં મેઘગર્જના સાથે માવઠું
ર૭-ર૮ ડિસેમ્બરે રાજ્યમાં કમોસમી વરસાદની આગાહી
અમદાવાદ તા. ૧૭: અમદાવાદના અનેક વિસ્તારોમાં મોડી રાત્રે વરસાદ પડ્યો હતો, જ્યારે વહેલી સવારે ધૂમ્મસભર્યું વાતાવરણ સર્જાયું હતું. હવામાન વિભાગે બે દિવસ માટે કમોસમી વરસાદની આગાહી કરી છે.
ઉત્તર-પશ્ચિમ મધ્યપ્રદેશ પર સાયક્લોનિક સર્ક્યુલેશન સિસ્ટમ, વેસ્ટર્ન ડિસ્ટર્બન્સ સર્જાતા ગુજરાતને માથે કરા સાથે માવઠાનું સંકટ યથાવત્ છે. વરસાદની આગાહી વચ્ચે ગુરૂવારે (તા. ર૬ ડિસેમ્બર) મોડી રાત્રે અમદાવાદના કેટલાક વિસ્તારોમાં વરસાદી ઝાપટા પડ્યા હતાં, ત્યારે શુક્રવારે (ર૭ ડિસેમ્બર) શહેરમાં ધૂમ્મસભર્યું વાતાવરણ જોવા મળી રહ્યું છે.
હવમાન વિભાગે આગાહી કરી છે કે ર૭ મી અને ર૮ મી ડિસેમ્બરે રાજ્યમાં ગાજવીજ સાથે કમોસમી વરસાદ રાઉન્ડ થશે. હવામાન વિભાગની આગાહી અનુસાર આજે (ર૭ ડિસેમ્બરે) દક્ષિણ ગુજરાત અને મધ્ય ગુજરાતના વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અન વલસાડ જિલ્લાના અમુક સ્થળોએ ગાજવીજ સાથે હળવાથી મધ્યમ વરસાદની શક્યતા છે.
બીજી તરફ શનિવારે (ર૮ મી ડિસેમ્બર) જ્યાં ૩૦ થી ૪૦ કિલોમીટરે પવન ફૂંકાવવા ઉપરાંત ગાજવીજ સાથે વરસાદની આગાહી કરાઈ છે. તેમાં બનાસકાંઠા, સાબરકાંઠા, અરવલ્લી, પંચમહાલ, દાહોદ, મહીસાગર, આણંદ, વડોદરા, ભરૂચ, સુરત, નવસારી, વલસાડ, દમણ, દાદરાનગર હવેલીનો સમાવેશ ાય છે. આગામી ૪૮ કલાક દરમિયાન લભુતમ તાપમાનમાં ર-૩ ડીગ્રીનો વધારો થતા ઠંડીમાં આંશિક ઘટાડો અનુભવાયો. આ પછી તાપમાનમાં ર-૩ ડીગ્રીનો ઘટાડો થઈ શકે છે.
આગામી ૩ દિવસ અમદાવાદનું તાપમાન ર૬ થી ૧૮ ડીગ્રી વચ્ચે રહેવાની આગાહી છે. ગત્ રાત્રિના નલિયામાં ૯.૮ ડીગ્રી સાથે સૌથી નીચું તાપમાન નોંધાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
