Author: નોબત સમાચાર
દ્વારકામાં સાઈબેરીયન 'સીગલ' બર્ડનું આગમન
મુખ્યત્વે યુરોપ, સાઈબેરીયા, કઝાકીસ્તાન અને ચાઈનામાં જોવા મળતાં વિદેશી સીગલ બર્ડ દર વર્ષે ગુજરાતના દરિયા કિનારે જોવા મળે છે. યાત્રાધામ દ્વારકામાં પણ સીગલ બર્ડ દર વર્ષે આવતાં હોય છે આ વર્ષે પ્રથમ વખત મોટી સંખ્યામાં સીગલ બર્ડઝ દ્વારકામાં ગોમતી ઘાટ, સંગમ નારાયણ મંદિર તેમજ દરિયાઈ પટ્ટીમાં જોવા મળે છે. હાલમાં ચાલી રહેલ નાતાલના વેકેશનમાં જયારે યાત્રાધામમાં વધુ પ્રવાસીઓ- દર્શનાર્થીઓ આવી રહ્યા છે. ત્યારે દરિયા કાંઠે જોવા મળતાં પક્ષીઓ સાથે યાત્રીકો પણ કાજુ, બિસ્કિટ, ગાંઠીયા સહિતના ખાદ્ય પદાર્થો ખવડાવી તેમની સાથે સેલ્ફી લેવાનો લુત્ફ ઉઠાવી રહ્યા છે. સફેદ અથવા તપખીરીયા રંગના સીગલ પક્ષીને ગુજરાતીમાં ધોમડો કહે છે જેની અલગ અલગ પ્રજાતિઓ હોય છે. જે પૈકી અમૂક પ્રજાતિ ઋતુ અનુસાર સતત સ્થળાંતરીત થતી રહે છે. ગુજરાતમાં દર વર્ષે શિયાળા દરમ્યાન સીગલ પક્ષીઓની પ્રજાતિઓ ભૂરો ઘોમડો, શ્યામશીર ઘોમડો, ગુલાબી ઘોમડો, પીળા પગવાળો ઘોમડો દરિયાઈ વિસ્તારોમાં જોવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
