Author: નોબત સમાચાર
ગાળો બોલવાની ના પાડતા બેડેશ્વરમાં મહિલા પર હુમલોઃ કરી નખાયા ફ્રેક્ચર
આરોપીની ધરપકડ માટે તજવીજઃ
જામનગર તા.ર૭ : જામનગરના બેડેશ્વરમાં રહેતા એક મહિલાને અવારનવાર ગાળો ભાંડી પજવતા શખ્સે બુધવારે રાત્રે તે મહિલા પર ઢીકાપાટુથી હુમલો કરી ફ્રેક્ચર સહિતની ઈજાઓ પહોંચાડી હતી. પોલીસે તેની સામે ગુન્હો નોંધી તેની શોધ હાથ ધરી છે.
જામનગરના બેડેશ્વર વિસ્તારમાં એકડેએક બાપુની દરગાહ પાસે રહેતા મુમતાઝ બેન અબ્દુલભાઈ જેડા નામના મહિલાને ત્યાં જ રહેતો કાદર આમદ કકલ નામનો શખ્સ અવારનવાર ગાળો ભાંડતો હતો. તે શખ્સને બુધવારે રાત્રે મુમતાઝબેને ગાળો બોલવાની ના પાડી હતી.
તેનાથી ઉશ્કેરાયેલા કાદર કકલે ઢીકાપાટુથી હુમલો કરી મુમતાઝબેનને માર માર્યાે હતો. મણકામાં તેમજ હાથની આંગળીમાં ફ્રેક્ચર સહિતની ઈજા પામેલા મુમતાઝબેનને સારવારમાં ખસેડવામાં આવ્યા છે. તેઓએ સિટી બી ડિવિઝન પોલીસ સ્ટેશનમાં ફરિયાદ નોંધાવી છે. જમાદાર સોયબ મકવાએ ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
