Author: નોબત સમાચાર
જામનગરના ગુરુદ્વારા સિંગ સભામાં ઉજવાયો વીર બાળ દિવસઃ મેયર, ધારાસભ્ય, મહાનુભાવો જોડાયા
અલગ-અલગ ધાર્મિક કાર્યક્રમો યોજાયાઃ હોદ્દેદારો, કાર્યકરો કીર્તનમાં સામેલ થયાઃ સાહીબજાદા જોરાવરસિંઘજી અને ફતેસિંઘજીના બલિદાનને યાદ કરાયું
જામનગરના ગુરુદ્વારા સિંગસભામાં ગઈકાલે વીર બાળ દિવસની ઉજવણી કરવામાં આવી હતી અને વિવિધ ધાર્મિક કાર્યક્રમો યોજાયા હતાં. દરમિયાન ગઈકાલે રાત્રિના ૮ વાગ્યાથી ૯-૩૦ સુધી કીર્તનનું આયોજન કરવામાં આવ્યું હતું. જેમાં જામનગરના ૭૮ વિધાનસભા વિસ્તારના ધારાસભ્ય રિવાબા જાડેજા, જામનગરના મેયર વિનોદભાઈ ખીમસૂરિયા, ડે. મેયર ક્રિષ્નાબેન સોઢા, શહેર ભાજપ અધ્યક્ષ ડો. વિમલભાઈ કગથરા, મહામંત્રી મેરામણભાઈ ભાટુ અને વિજયસિંહ જેઠવા, કોર્પોરેટરો કુસુમબેન પંડ્યા, ધીરેનભાઈ મોનાણી, શિક્ષણ સમિતિના ચેરમેન પ્રકાશભાઈ કાકનાણી તેમજ શહેર ભાજપના અન્ય હોદ્દેદારો-કાર્યકરો ઉપસ્થિત રહ્યા હતાં, અને કીર્તન કર્યું હતું. સત્ય ધર્મ અને સંસ્કૃતિની રક્ષા કાજે પોતાના પ્રાણ આપનારા ગુરુગોવિંદ સિંઘજીના પુત્ર સાહીબજાદા જોરાવરસિંઘજી અને ફતેસિંઘજીના બલિદાન દિવસને વીર બાળક દિવસ તરીકે ઉજવવા માટેનું ભારતના વડાપ્રધાન નરેન્દ્રભાઈ મોદીએ આહ્વાન કર્યું હતું. તે અનુસાર ગઈકાલે શહેર ભાજપના અગ્રણીઓ વીર બાળ દિવસની ઉજવણીમાં કીર્તનના કાર્યક્રમમાં જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
